ماڭعىستاۋ وبلىستىق كوپسالالى اۋرۋحاناسىنىڭ ءباسپاسوز قىزمەتى كەشە, 17 ساۋىردە بولعان جول-كولىك وقيعاسى سالدارىنان ەكى ادام اۋرۋحاناعا جەتكىزىلگەنىن حابارلادى, دەپ جازادى Egemen.kz.
مەديتسينالىق مەكەمە ۇسىنعان اقپاراتقا سايكەس, «اقتاۋ-قۇرىق» تاس جولىنداعى اپات سالدارىنان تاڭعى ساعات 7:30-دا ەكى ادام اۋرۋحاناعا جەتكىزىلگەن.
حابارلامادا: «ەكەۋى دە جانساقتاۋ بولىمىنە جاتقىزىلدى, بىرەۋى - 2004 جىلى تۋعان ايماق تۇرعىنى, ەكىنشىسى بەلگىسىز ادام رەتىندە قابىلداندى», دەلىنگەن.
ال وبلىستىق پوليتسيا دەپارتامەنتى اپاتتىڭ ءمان-جايى انىقتالىپ جاتقانىن حابارلادى.