بۇگىن گرۋزيانىڭ تسحالتۋبو قالاسىندا وتكەن EGMO-2024 قىزدارعا ارنالعان حالىقارالىق ماتەماتيكا وليمپياداسىنىڭ قورىتىندىسى بەلگىلى بولدى. جارىسقا 54 ەلدەن 212 وقۋشى قاتىستى. قازاقستان ساپىنان 4 قىز بىلىمدەرىن كورسەتتى, دەپ حابارلايدى Egemen.kz.
پاۆلودار قالاسىنداعى دارىندى بالالارعا ارنالعان 8 مەكتەپ-ليتسەيىنىڭ 11-سىنىپ وقۋشىسى اناستاسيا ودينتسوۆا مەن الماتى قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ 11-سىنىپ وقۋشىسى اميرا كەنباەۆا كۇمىس مەدال يەلەندى.
قولا جۇلدەنى الماتىداعى Haileybury حالىقارالىق مەكتەبىنىڭ 11-سىنىپ وقۋشىسى اراي قاسەنوۆا مەن الماتىداعى رەسپۋبليكالىق فيزيكا-ماتەماتيكا مەكتەبىنىڭ 9-سىنىپ وقۋشىسى ارۋجان باتىرحان جەڭىپ الدى.
ەسكە سالايىق, حالىقارالىق قىزدار اراسىنداعى ماتەماتيكالىق EGMO وليمپياداسى العاش رەت 2012 جىلى كەمبريدجدە, ۇلىبريتانيادا ءوتتى. قازاقستان قۇراماسى وليمپياداعا 2017 جىلدان بەرى قاتىسىپ كەلەدى. قۇرامانىڭ قورجىنىندا 3 التىن, 11 كۇمىس, 12 قولا مەدال بار.
قىرمىزى جۇماعاليقىزى,
ەۇۋ ستۋدەنتى