اتىراۋ وبلىسىندا تاسقىن سۋدان زارداپ شەككەن وتباسىلارعا ءبىر جولعى الۋەمەتتىك تولەم بەرىلە باستادى.
جىلىوي اۋدانى اكىمىنىڭ ورىنباسارى گۇلنافيس ايشۋاقوۆانىڭ ايتۋىنشا, اۋداندىق جۇمىسپەن قامتۋ, الەۋمەتتىك باعدارلامالار ءبولىمىنىڭ قىزمەتكەرلەرى وتىنىشتەردى تاۋلىك بويى وڭدەۋگە كىرىسكەن.
«قازىر 650-گە جۋىق ءوتىنىش بويىنشا ءبىر رەتتىك الەۋمەتتىك كومەك قارجىسىن تولەۋگە شەشىم قابىلداندى. ءوتىنىشى قاناعاتتاندىرىلعان وتباسىلاردىڭ ەسەپ-شوتىنا 100 ايلىق ەسەپتىك كورسەتكىش مولشەرىنە سايكەس 369 مىڭ 200 تەڭگە ءتۇستى», دەدى گۇلنافيس ايشۋاقوۆا.