دەپۋتات سەرىك وتەشوۆ قاراعاندى وبلىسىندا ءوڭىر اۋداندارىنىڭ جاعدايىمەن تانىستى. سەناتور قورعانىس بوگەتتەرىن كۇشەيتۋ, ويپات جەرلەرگە مايدا تاستار مەن توپىراق توگۋ, قۇم سالىنعان قاپتار قويىلعان ۋچاسكەلەردى قاراپ شىقتى.
سونداي-اق سەناتور شەت اۋدانىنداعى ۇيلەرىن سۋ باسقان تۇرعىندارعا بارىپ, تاسقىننان زارداپ شەككەن ادامدارعا كورسەتىلەتىن مەملەكەتتىك قولداۋ شارالارى تۋرالى اۋىل تۇرعىندارىنا ايتىپ بەردى.
ساعىندىق لۇقپانوۆ اتىراۋ وبلىسىندا جەرگىلىكتى اتقارۋشى ورگاندارمەن تاسقىن سۋعا دايىندىق بارىسىن تالقىلاپ, «سوكولوك» ارناسىمەن قاتار جاڭادان ەكىنشى سۋ وتكىزۋ ارناسىن سالۋدىڭ ماڭىزدىلىعىن اتاپ ءوتتى. جاڭا 24 شاقىرىمدىق جەلى سۋدى قالادان الىستاتۋعا مۇمكىندىك بەرەدى.
سەنات دەپۋتاتى ءلاززات رىسبەكوۆا باتىس قازاقستان وبلىسىندا ورال قالاسىنىڭ جاعالاۋ اۋداندارىندا قورعانىس بوگەتتەرىن سالۋ بارىسىن تەكسەردى. بۇل اۋماقتا بوگەت سالۋ جۇمىستارى بەلسەندى جالعاسىپ جاتىر. سەناتور سونداي-اق تاسقىن سۋدان زارداپ شەككەن ازاماتتارمەن كەزدەسىپ, ولارعا ەۆاكۋاتسيالىق پۋنكتتەردىڭ جۇمىسى جانە بىرجولعى ماتەريالدىق كومەك الۋ مەن تۇرعىن ۇيلەردى قالپىنا كەلتىرۋگە قۇجاتتاردى قابىلداۋ پۋنكتىنە قالاي ازىرلەۋ كەرەكتىگى تۋرالى ايتىپ بەردى.