قالا اكىمدىگى 21 ساۋىردە الماتى جارتىلاي مارافونى وتەتىنىن حابارلادى. سەگىز مىڭنان استام جەلاياق قاتىساتىن مارافون ءال-فارابي داڭعىلى بويىنداعى تۇڭعىش پرەزيدەنت ساياباعىنان باستالسا, مارە سىزىعى ورتالىق ستاديوندا ورنالاسادى, دەپ حابارلايدى Egemen.kz.
جارتىلاي مارافون بيىل جەتىنشى رەت وتكىزىلەدى. قالا اكىمدىگىنىڭ حابارلاۋىنشا, ءىس-شاراعا بايلانىستى 21 ءساۋىر كۇنى ساعات 00:00-دەن 11:00-گە دەيىن كولىك قوزعالىسى جارتىلاي جابىلادى.
ساعات 07:00-دە تۇڭعىش پرەزيدەنت ساياباعىندا ستارت بەرىلەدى. 21 ساۋىردە ساعات 00:00-دەن 11:00-گە دەيىن ءال-فارابي داڭعىلىنىڭ سولتۇستىك جاعىنداعى جولدىڭ مۇستافينا كوشەسىنەن ناۋاي كوشەسىنە دەيىنگى بولىگىندە كولىك قوزعالىسى شەكتەلەدى, وڭتۇستىك جاعى اشىق بولادى.
ءال-فارابي داڭعىلىنىڭ سولتۇستىك جاعىندا, مۇستافينا كوشەسىنەن نازارباەۆ داڭعىلىنا دەيىن ساعات 06:45-تەن 09:10-عا دەيىن كولىك قوزعالىسى شەكتەلەدى. وڭتۇستىك جاعى قوزعالىس ءۇشىن اشىق بولادى.
سەيفۋللين داڭعىلى جولىنىڭ ءال-فارابي داڭعىلىنان اباي داڭعىلىنا دەيىنگى بولىگىندە ساعات 07:10-نان 08:30-عا دەيىن كولىك قوزعالىسى تولىعىمەن جابىلادى.
اباي داڭعىلىنىڭ وڭتۇستىك جاعىنداعى ساينا كوشەسىنەن بايتۇرسىنوۆ كوشەسىنە دەيىن ساعات 08:10-نان 10:40-قا دەيىن كولىك قوزعالىسى شەكتەلەدى. سولتۇستىك جاعى اشىق بولادى.
اباي داڭعىلىنىڭ وڭتۇستىك جاعىندا, سەيفۋللين كوشەسىنەن بايتۇرسىنوۆ كوشەسىنە دەيىن ساعات 07:20-دان 09:00-گە دەيىن كولىك قوزعالىسى شەكتەلەدى. سولتۇستىك جاعى اشىق بولادى.
سانا كوشەسىنىڭ شىعىس جاعىندا, ءال-فارابي داڭعىلىنان اباي داڭعىلىنا دەيىن ساعات 08:00-دەن 09:40-قا دەيىن كولىك قوزعالىسى جابىلادى. باتىس جاعى اشىق بولادى.