الماتى تاۋلارىندا قار كوشكىنى ءجۇردى, دەپ حابارلايدى Egemen.kz قالالىق توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەمە جاساپ.
قالالىق توتەنشە جاعدايلار دەپارتامەنتى حابارلاعانداي, 16 ساۋىردە مەدەۋ اۋدانىنداعى الپينيستىك لاگەردىڭ ماڭىندا كولەمى 4 مىڭ تەكشە مەترگە جەتەتىن قار كوشكىنى ءجۇردى.
«قاتتى جاۋىن-شاشىننىڭ تۇسۋىنە, ۇلكەن جانە كىشى الماتى وزەندەرى باسسەينىندە قار جامىلعىسىنىڭ تۇراقسىز بولۋىنا بايلانىستى كوشكىن قاۋپى ساقتالادى», دەپ حابارلادى تجد وكىلدەرى.
توتەنشە جاعدايلار دەپارتامەنتى وڭىردە قار كوشكىنى قاۋپى ءالى دە ساقتالىپ وتىرعانىن ەسكە سالدى. قۇتقارۋشىلار قار كوشكىنىن تۋدىرماس ءۇشىن ازاماتتاردان تاۋلى ايماقتارعا بارماۋدى جانە قارلى بەتكەيلەرگە شىقپاۋدى ەسكەرتتى.
قىرمىزى جۇماعاليقىزى,
ەۇۋ ستۋدەنتى