وقيعا 10 ءساۋىر كۇنى تاراز قالاسىنداعى جامبىل وبلىستىق پەريناتالدىق ورتالىعىندا بولدى. اقپاراتتى وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى راستادى, دەپ جازادى Egemen.kz.
اياعى اۋىر كەلىنشەك جۇكتىلىكتىڭ ون التىنشى اپتاسىندا بولعان.
«جۇكتى ايەل جالعان تولعاق دياگنوزىمەن وپس باقىلاۋىندا بولىپ, ءتيىستى ەم الىپ جاتقان. ونىڭ بويىنان پسيحولوگيالىق اۋىتقۋلار بايقالماعان. وقيعا ورنىندا جەدەل-تەرگەۋ توبى جۇمىس ىستەدى. قۇقىق قورعاۋ ورگاندارى ءوزىن-ءوزى ولتىرۋگە يتەرمەلەۋ بويىنشا سوتقا دەيىنگى تەرگەۋ امالدارىن باستادى, سوت-مەديتسينالىق ساراپتاما جۇرگىزىلىپ جاتىر. اقپارات تەرگەۋ اياقتالعاننان كەيىن جاريالانادى», دەلىنگەن رەسمي مالىمەتتە.
مارقۇمنىڭ ارتىندا 3 بالاسى قالدى, ولاردىڭ ۇلكەنى 6 جاستا بولسا, ەكەۋى بالاباقشاعا بارادى.
پوليتسيا دەپارتامەنتى وقيعا بويىنشا قىلمىستىق ءىس قوزعالىپ, جان-جاقتى تەكسەرۋ جۇمىستارى جۇرگىزىلىپ جاتقانىن حابارلادى. ال كەشەندى ساراپتامانى وبلىستىق سوت ساراپتاماسى ينستيتۋتىنىڭ ماماندارى جۇرگىزەدى.