«ەۆاكۋتسيالانعانداردى كەپىلگە الدى». قۇلسارى تۇرعىنى پوليتسياعا حابارلاسقان

سونداي جالعان قوڭىراۋدىڭ ءبىرى قۇلسارى قالاسىنىڭ 22 جاسار تۇرعىنان تۇسكەن. بويجەتكەن ەۆاكۋاتسيالانعان تۇرعىنداردى قارۋلى توپ كەپىلگە الىپ, اقشالاي سىياقى تالاپ ەتىپ وتىرعانىن حابارلاعان. 

پوليتسيا حابارلامانى تەكسەرىپ, نەگىزسىز قوڭىراۋ ەكەنىن انىقتادى.

«وبلىستىق پد ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى قابىلداعان شارالار ناتيجەسىندە بەينەۋ كەنتىندە جالعان قوڭىراۋ شالعانى ءۇشىن 22 جاستاعى قىز ۇستالدى. سونىمەن قاتار ونىڭ بۇعان دەيىن اۆتوبۋستا ۇيالى تەلەفون ۇرلاعانى انىقتالدى. قولدى بولعان گادجەتتەن ول قوڭىراۋ شالعان.

قازىرگى ۋاقىتتا كۇدىكتىگە قاتىستى بوتەن م ۇلىكتى ۇرلاۋ جانە تەرروريزم اكتىسى تۋرالى كورىنەۋ جالعان حابارلاۋ فاكتىلەرى بويىنشا سوتقا دەيىنگى تەرگەۋ جۇرگىزىلىپ جاتىر», دەلىنگەن وبلىستىق پوليتسيا دەپارتامەنتىنىڭ حابارلاماسىندا. 

سول كۇنى اقتوبە وبلىسىنىڭ تۇرعىنى دا گريشين كوشەسىندەگى ۇيدە بومبا ورناتىلعانى تۋرالى ايتقان. پوليتسيا بۇل اقپاراتتىڭ راستالماعانىن مالىمدەدى.

اقتوبە وبلىسى پد ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى بۇرىن دا وسىنداي قىلمىس ءۇشىن سوتتالعان اقتوبە قالاسىنىڭ جۇمىس ىستەمەيتىن تۇرعىنىن ماس كۇيىندە ۇستادى. وعان قاتىستى تەرروريزم اكتىسى تۋرالى كورىنەۋ جالعان حابارلاعانى ءۇشىن قىلمىستىق ءىس قوزعالدى.جالعان تەرروريزمنىڭ ءۇشىنشى فاكتىسى الماتى قالاسىندا تىركەلدى. وندا قالاداعى جەكە كومپانيالاردىڭ ءبىرىنىڭ تەلەفونىنا WhatsApp مەسسەندجەرى ارقىلى ءىرى اقشالاي سىياقى ءۇشىن ساۋدا ورتالىعىنa بومبا قويۋ تۋرالى ۇسىنىس كەلىپ تۇسكەنى ايتىلعان.

جەدەل-ىزدەستىرۋ ءىس-شارالارىن وتكىزۋ بارىسىندا تالدىقورعان قالاسىنىڭ 9 جاسار تۇرعىنى انىقتالدى. ول ينتەرنەت جەلىسىندە كومپانيانىڭ جارناماسىن كورىپ, بۇزاقىلىق نيەتپەن وسى حابارلامانى جولداعان.

كامەلەتكە تولماعان بالانىڭ اتا-اناسى بالانى تاربيەلەۋ شارالارىن قابىلداماعانى ءۇشىن اكىمشىلىك جاۋاپكەرشىلىككە تارتىلدى.

قۇزىرلى ورگاندار قر قىلمىستىق كودەكستەگى وسى قىلمىس ءۇشىن 5 مىڭ اەك (بۇل 18 ملن تەڭگەدەن استام) مولشەرىندە ايىپپۇل نە بولماسا بەس جىلعا دەيىن باس بوستاندىعىن شەكتەۋ نەمەسە باس بوستاندىعىنان ايىرۋ كوزدەلەتىنىن تاعى دا ەسكە سالادى.