اتىراۋ وبلىسىندا Toyota جەڭىل كولىگى كاماز-دىڭ تىركەمەسىنە سوعىلدى. جول اپاتىنان جەڭىل كولىكتىڭ جۇرگىزۋشىسى مەن 2 جولاۋشىسى قازا تاپتى, دەپ حابارلايدى Egemen.kz.
اتىراۋ وبلىستىق پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتكەندەي, جول-كولىك وقيعاسى 13 ساۋىردە بولعان.
«ساعات 17:10 شاماسىندا اتىراۋدان رەسەي فەدەراتسياسىنىڭ استراحان وبلىسى باعىتىنا قاتىنايتىن جولدىڭ 821-شاقىرىمى تۇسىندا جول اپاتى تىركەلدى. جەڭىل كولىكتىڭ رۋلىندە 1994 جىلعى جۇرگىزۋشى بولعان. جول-كولىك وقيعاسىنىڭ سالدارىنان جەڭىل كولىكتەگى جۇرگىزۋشى مەن 2 جولاۋشى وقيعا ورنىندا مەرت بولدى», دەپ حابارلادى دەپارتامەنتتىڭ ءباسپاسوز قىزمەتى.