اقمولا وبلىسىندا وزگەنىڭ شوتىنان زاڭسىز اقشا يەمدەنگەن كۇدىكتى قولعا ءتۇستى, دەپ حابارلايدى Egemen.kz.
اقمولا وبلىسىندا پوليتسيا بۇرىن جاسالعان قىلمىستىڭ بەتىن اشتى.
بىلتىر قاراشادا جەرگىلىكتى تۇرعىن قوسشى قالاسىنىڭ پوليتسيا بولىمىنە بانك قوسىمشاسىنان اقشا ۇرلانعانى تۋرالى ارىزبەن جۇگىنگەن. ەر ادام كارتوچكاسىنان 15-21 قىركۇيەك ارالىعىندا بەلگىسىز ادام 805 مىڭ تەڭگە سوماسىندا اقشا شەشىپ العانىن ايتقان.
ۇرلىق جاسالعان ۋاقىت ارالىعىندا جابىرلەنۋشى كوشەدە بەلگىسىز اداممەن كەزدەيسوق تانىسىپ, ونىمەن الكوگول ىشكەنى انىقتالعان. وتىرىس بارىسىندا جابىرلەنۋشى بەيتانىس ادامعا بانكتىڭ قوسىمشاسىنا كىرۋ كودىن ايتىپ, ۇيىقتاپ قالعان, كەيىنىرەك ول شوتتاعى اقشاسىنىڭ جوعالىپ كەتكەنىن انىقتادى. ۇرلىق جاسادى دەگەن كۇدىكپەن استانا قالاسىنىڭ 34 جاستاعى تۇرعىنى ۇستالدى. ەر ادام الكوگولدى بىرگە ىشكەن كەزىندە جابىرلەنۋشى ۇيىقتاپ قالعانىن مويىندادى, سودان كەيىن ول اقشانى ءوز شوتىنا اۋدارىپ العان.
وسى دەرەككە قاتىستى پوليتسيا ءبولىمى قر قك-ءنىڭ 188-بابى 2-بولىگى (ۇرلىق) بويىنشا سوتالدى تەرگەۋ باستادى.