ازيا كۋبوگى مارەگە جەتتى

جارىستىڭ اشىلۋ سالتاناتىنا قازاقستان ۇلتتىق سپورت قا­ۋىمداستىعىنىڭ پرەزيدەنتى يسلامبەك سالجانوۆ, تەڭگە ءىلۋ فەدەراتسياسىنىڭ پرەزيدەنتى امانگەلدى ابدىقادىروۆ, شىم­كەنت قالاسى اكىمىنىڭ ورىنباسارى سارسەن قۇرانبەك قاتىسىپ, سايىس­كەرلەرگە ساتتىلىك تىلەدى.

«بيىل قىركۇيەك ايىندا استانادا پرەزيدەنت باستاما­سىمەن V دۇ­نيەجۇزىلىك كوشپە­لىلەر ويىندارى وتەدى. بۇگىنگى ازيا كۋبوگى – وسى تارتىستى دودانىڭ الدىنداعى جاۋاپتى جارىستاردىڭ ءبىرى. تەڭگە ءىلۋ سپور­تىنىڭ دۇنيەجۇزىلىك كوش­­پەلىلەر ويىندارىنىڭ باعدار­لاماسىنا ەنۋى, ونىڭ الەمدىك دەڭگەيدە تانىمال بولۋىنا ىقپال ەتەدى», دەدى ي.سالجانوۆ.

II ازيا كۋبوگى تەڭگە ءىلۋ فەدە­راتسياسىنىڭ, ۇلتتىق سپورت قا­ۋىمداستىعى مەن قالا­لىق اكىم­دىكتىڭ قولداۋىمەن ۇيىمداس­تىرىلدى. ال سپورتتىق ءىس-شا­رانىڭ باس سەرىكتەسى – «سامۇرىق-قازىنا» اق. Sport Qory سپورتتى قول­داۋ قورى دا جارىسقا دە­مەۋشىلىك كورسەتتى.

ازيا كۋبوگىنە 7 ەلدەن كەلگەن سپورتشى قاتىستى. بۇل ءوز كە­زە­گىندە تەڭگە ءىلۋ سپورتىنا دەگەن قىزىعۋشىلىقتىڭ ارتىپ كەلە جاتقانىن ايعاقتايدى. وسى ورايدا بيىل حالىقارالىق تەڭگە ءىلۋ فەدەراتسياسىن اشۋ كوزدەلىپ وتىر. تەڭگە ءىلۋ فەدەراتسياسىنىڭ پرەزيدەنتى ا.ابدىقادىروۆتىڭ ايتۋىنشا, وسى ازيا كۋبوگىندە ەلىمىزدىڭ ەڭ ۇزدىك سپورتشىلارى سىنعا ءتۇستى.

«بۇل جارىستا ۇلتتىق قۇرا­مامىزدىڭ سپورتشىلارى V دۇ­نيە­جۇزىلىك كوشپەلىلەر ويىن­دارى قارساڭىندا ءوز دايىن­دىقتارىن شىڭدادى. ال شەتەل­-دىك قۇرامالار قازاق­ستان­نىڭ ۇزدىك سپورتشىلارىمەن تا­جىريبە ال­ماسۋعا مۇمكىندىك الدى», دەدى ول.

جارىستى بارىنشا ءادىل باعالاۋعا وسى جولى تەڭگە ءىلۋ سپورتىنىڭ تاريحىندا تۇڭعىش رەت بەينە قايتالاۋ جۇيەسى قول­دانىلدى. سونىمەن قاتار ۋاقىت­تى ولشەۋ ءۇشىن ارنايى لازەر-سەكۋندومەر پايدالانىلدى.

سونىمەن, جارىس قورىتىن­دىسىندا بەس بەلەس ءادىسى بويىنشا عالىمجان ءىزجانوۆ 1-ورىن, راحات قامباروۆ 2-ورىن, قانات باقتىباي 3-ورىندى يەلەندى. اتالعان سپورت­شىلاردىڭ بار­لىعى دا – تۇر­كىستان وبلى­سىنىڭ وعلاندارى. تەڭگە ءىلۋدىڭ جاي ءستيلى بويىنشا راحات قامباروۆ 1-ورىن, عالىمجان ءىزجانوۆ 2-ورىن, قانات باقتىباي 3-ورىن تۇ­عىرىنان كورىندى. سونداي-اق بۇل جارىستا قانات باقتىباي ۇزد­ىك ءابسوليۋتتى چەمپيون اتاندى.

شىمكەنت