شىعىس قازاقستان وبلىسى التاي اۋدانىنىڭ سولوۆەۆو اۋىلىندا تۇنگى ۋاقىتتا سۋ دەڭگەيى كوتەرىلىپ, 24 ءۇي اۋماعىن سۋ باسۋ قاۋپى تونگەن ەدى. شقو تجد مالىمەتىنشە قازىرگى ۋاقىتتا سۋ دەڭگەيى ءبىرشاما تومەندەدى, دەپ حابارلايدى Egemen.kz.
وبلىستىق تجد ءباسپاسوز قىزمەتى ءمالىم ەتكەندەي, وقيعا ورنىنا وبلىس اكىمى ەرمەك كوشەرباەۆ جەدەل كەلىپ, جاعالاۋدى بوگەۋ جانە ەرىگەن قار سۋىن بۇرۋ جۇمىستارىمەن اينالىسىپ جاتقان ماماندارمەن جانە تۇرعىندارمەن كەزدەسكەن. تۇرعىندار ەۆاكۋاتسيالاۋدان باس تارتىپ, تۋىستارىنىڭ ۇيىنەۋاقىتشا ورنالاسقان.
حابارلامادا: «ەكى كۇن قاتارىنان تولاسسىز جاۋعان جاڭبىر سەبەبىنەن كوتەرىلگەن سۋ دەڭگەيى قازىرگى كەزدە 10-15 سم-گە تومەندەدى. وقيعا ورنىندا جەرگىلىكتى اتقارۋشى ورگان, تج ماماندارى كەزەكشىلىك ۇيىمداستىرىپ, پوليتسيا بەكەتى جۇمىس ىستەپ تۇر», دەلىنگەن.