اتىراۋ وبلىسى اۋماعىندا 1 ساۋىردەن باستاپ ءوتىپ جاتقان «بەكىرە» جەدەل-پروفيلاكتيكالىق ءىس-شاراسى شەڭبەرىندە جارتى تونناعا جۋىق بەكىرە بالىعى تاركىلەندى, دەپ حابارلايدى Egemen.kz.
Polisia.kz سايتىنىڭ مالىمدەۋىنشە, ءوڭىر پوليتسياسى بالىقتىڭ زاڭسىز اينالىمى تۇرعىسىندا 6 قۇقىق بۇزۋشىلىقتى انىقتاعان. ءتورت دەرەك بويىنشا سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر.
«7 سۋ قايىعى, 8 اۆتوكولىك, سونىمەن قاتار 435 كگ بەكىرە جانە 2 كگ 500 گر بەكىرە بالىعىنىڭ ۋىلدىرىعى تاركىلەنىپ, «جايىق-اتىراۋ بەكىرە ءوسىرۋ زاۋىتىنا» تاپسىرىلدى», دەلىنگەن حابارلامادا.