2024 جىلعى 8 ساۋىردەن باستاپ سۋ تاسقىنى قاۋپىنىڭ جوعارى بولۋىنا بايلانىستى قازاقستاننىڭ ۇلتتىق گيدرومەتەورولوگيالىق قىزمەتىنىڭ گيدرولوگيالىق جانە ىلەسپە دەپارتامەنتتەرى تاۋلىك بويى جۇمىس رەجيمىنە اۋىستىرىلدى, دەپ حابارلايدى Egemen.kz قر ەكولوگيا جانە تابيعي رەسۋرستار مينيسترلىگىنە سىلتەمە جاساپ.
«قازگيدرومەتتىڭ» بارلىق جەردەگى باقىلاۋ جەلىسىندەگى باقىلاۋشىلار, سينوپتيكتەر مەن گيدرولوگتار 24/7 كەستە بويىنشا تۇراقتى نەگىزدە جۇمىس ىستەدى, ەندى ولارعا كاسىپورىننىڭ باسشىلىعى, بولجامدى جانە اقپاراتتىق قىزمەتتەرى قوسىلدى.
«قازاقستاننىڭ بارلىق وبلىستارىندا ورنالاسقان بارلىق 15 فيليالدان كەلىپ تۇسەتىن اقپاراتتى وڭدەۋ جانە تالداۋ قازىر تاۋلىك بويى جۇرگىزىلىپ جاتىر. قازىر اتىراۋ, اقتوبە, قوستاناي, باتىس قازاقستان, سولتۇستىك قازاقستان, اقمولا, شىعىس قازاقستان, اباي وبلىستارىندا سۋ تاسقىنى قاۋپى ءالى دە ساقتالىپ وتىر. سۋ وبەكتىلەرىن باقىلاۋ جىلدام رەجيمگە اۋىستىرىلدى, ناقتى دەرەكتەر ۇنەمى وڭدەلەدى. بارلىق دايىن اقپارات مەملەكەتتىك جانە جەرگىلىكتى ورگاندارعا تاۋلىك بويى كەلىپ تۇسەدى», دەلىنگەن حابارلامادا.