بۇگىن, 8 ساۋىردە ەلىمىزدىڭ جاستار رەسۋرستىق ورتالىقتارى مەن ۇيىمدارىنىڭ باستاماسىمەن «تازا قازاقستان» رەسپۋبليكالىق ەكولوگيالىق اكتسياسى باستالدى. اۋقىمدى ەكولوگيالىق ناۋقان بەس اپتاعا سوزىلادى جانە ونىڭ ءار اپتاسى بەلگىلى ءبىر تاقىرىپقا ارنالادى, دەپ حابارلايدى Egemen.kz قر مادەنيەت جانە اقپارات مينيسترلىگىنە سىلتەمە جاساپ.
ءساۋىردىڭ 13-ىنە دەيىن وتەتىن العاشقى اپتالىقتىڭ اتاۋى - «تازا ولكە».
اپتالىق بارىسىندا ەلدى مەكەندەردىڭ تۇرعىندارى, قوعام بەلسەندىلەرى, مەكەمە, كاسىپورىن قىزمەتكەرلەرى ىرگەلەس اۋماقتار مەن اۋلالاردى تازارتادى.
20 ساۋىرگە دەيىنگى اپتالىق «كيەلى مەكەن» دەپ اتالادى. بۇل اپتا تاريحي-مادەني ەسكەرتكىشتەردىڭ اۋماعىن اباتتاندىرۋ جۇمىستارىنا ارنالادى.
ءساۋىر ايىنىڭ 27-سىنە دەيىن «جاسىل ايماق» تاقىرىبىمەن وتەتىن اپتالىق اعاش كوشەتتەرىن وتىرعىزۋ, كوشەتتەردى اكتەۋمەن ەرەكشەلەنەدى.
4 مامىرعا دەيىنگى كەزەڭ «ونەگەلى ۇرپاق» دەپ اتالىپ, ارداگەرلەردىڭ اۋلالارى مەن قارتتار ءۇيىنىڭ اۋماقتارىن تازالاۋعا جانە اباتتاندىرۋعا ارنالادى.
ء«مولدىر بۇلاق» دەپ اتالاتىن سوڭعى, بەسىنشى اپتادا سۋ قويمالارىنىڭ اينالاسى, وزەن-كولدەر قوقىستان تازارتىلادى.
اكتسياعا ەلىمىزدىڭ بارلىق وڭىرلەرى قاتىسىپ, قازاقستاننىڭ تۇكپىر-تۇكپىرىندە قايىرىمدىلىق جانە مادەني ءىس-شارالار وتەدى.
قىرمىزى جۇماعاليقىزى,
ەۇۋ ستۋدەنتى