اۋە رەيستەرىنىڭ باعاسى شارىقتاپ تۇرعانى راس پا؟

ماسەلەن, اتىراۋدان اقتاۋعا ۇشاقپەن جەتكىسى كەلگەن جولاۋشىلار ءبىر بيلەت ءۇشىن 170 780 تەڭگە تولەۋگە ءماجبۇر. 

اتىراۋ-استانا باعىتى بويىنشا ۇشاتىن رەيستەرگە دە بيلەت قۇنى جاعا ۇستاتىپ وتىر.

قارعىن سۋ باسقان وبلىستاردان تۋىستارىن الىپ كەتپەكشى بولعان ادامدار جاپپاي شاعىمدانىپ جاتىر. 

«بىزگە جاۋدىڭ كەرەگى جوق, ءوزىمىزدى ءوزىمىز قۇرتامىز. اقتوبە وبلىسىنان تۋىستارىمىزدى الىپ كەتەردە وسىنداي قيىندىقتارعا تاپ بولدىق...

جاۋ جاعادان العاندا, ءبورى ەتەكتەن الادى. اتىراۋىم امان بولسىن. قاجەتتىلىك تۋىنداسا, ماڭعىستاۋ حالقى 1000 شاقىرىمنان دا تەگىن ءوزى تاسىپ الادى. كۇنىمىزدى Air Astana مەن Sسat-قا تۇسىرمەسىن…», دەپ جازدى جەلى قولدانۋشىلارى. 

وسى ورايدا Air Astana اۋە كومپانياسىنىڭ ءباسپاسوز قىزمەتى سكرينشوتتاردا كورسەتىلگەن باعالارعا قاتىستى تۇسىنىكتەمە بەردى.

«اتالعان سۋرەتتەردە اتىراۋدان الماتىعا, استاناعا نەمەسە اقتاۋعا ۇشاتىن اۋەبيلەتتەرىنىڭ قۇنى كورسەتىلگەن, الايدا ول جەردە ىستانبۋل ارقىلى ۇشاتىن ءبىر نەمەسە ەكى ترانسفەرى بار رەيستەر ۇسىنىلعان, ال سەگمەنتتەردىڭ بىرىندە بيزنەس-كلاسس بيلەتتەرىنىڭ باعاسى شىققان. مۇنداي سكرينشوتتار جۇرتتى جاڭىلىستىرىپ جاتىر. بيلەتتىڭ ناقتى قۇنىن ءبىلۋ ءۇشىن جولاۋشىلاردان اۋەكومپانيانىڭ تەك رەسمي سايتىندا نەمەسە Air Astana كوسىمشاسىندا ەكونوم-كلاستىڭ تىكەلەي رەيستەرىن تاڭداۋدى سۇرايمىز», دەپ حابارلادى اۋەكومپانيانىڭ ءباسپاسوز قىزمەتى. 

قوسىمشا اقپاراتتى help.airastana.com سايتىنان نەمەسە تومەندەگى بايلانىس نومىرلەرى ارقىلى بىلە الاسىزدار:

8+7 727 244 4477 (24/7) +7 7172 584477 (24/7) 8+7702 702 4477 (24/7) 6+77059274477 (24/7) WhatsApp: +7 702 702 00 74 (24/7) Online chat: airastana.com (24/7) 311