استانادا شانحاي ىنتىماقتاستىق ۇيىمىنا (شىۇ) مۇشە مەملەكەتتەردىڭ قاۋىپسىزدىك كەڭەستەرى حاتشىلارىنىڭ كەزدەسۋى ءوتتى. قازاقستان پرەزيدەنتى ق.توقاەۆ شىۇ-نىڭ زاماناۋي سىن-قاتەرلەر مەن قاۋىپتەرگە قارسى قولداناتىن ءادىس-تاسىلدەرىن كۇشەيتۋى قاجەت ەكەنىن اتاپ ءوتتى.
«شىۇ – جاڭارىپ كەلە جاتقان حالىقارالىق قاۋىپسىزدىك ارحيتەكتۋراسى نەگىزدەرىنىڭ ءبىرى. سوندىقتان ءبىزدىڭ ۇيىم وڭىردەگى تۇراقتىلىق پەن قاۋىپسىزدىكتى قامتاماسىز ەتۋدى كوزدەيتىن ءوزارا كەلىسىلگەن ءəرى ناقتى قادامداردىڭ ۇلگىسىن كورسەتۋگە ءتيىس. مەملەكەتتەرىمىزدىڭ شىرقىن بۇزاتىن تەرروريزم, ەكسترەميزم جانە سەپاراتيزم ارەكەتتەرىنىڭ بەلەڭ الۋىنا جول بەرۋگە بولمايدى», دەدى ق.توقاەۆ.
ق.توقاەۆتىڭ پايىمداۋىنشا, تەرروريزمگە, سەپاراتيزمگە جəنە ەكسترەميزمگە قارسى ءىس-قيمىل جونىندەگى 2025-2027 جىلدارعا ارنالعان ىنتىماقتاستىق باعدارلاماسىن قابىلداۋ كەرەك. سونىمەن قاتار پرەزيدەنت شىۇ-نىڭ ەسىرتكىگە قارسى 2024-2029 جىلدارعا ارنالعان ستراتەگياسىن جəنە ونى جۇزەگە اسىرۋ جونىندەگى ءىس-قيمىل باعدارلاماسىن قابىلداۋ ماڭىزدى ەكەنىنە توقتالدى.
قاۋىپسىزدىكتىڭ پارمەندى قۇرالى
قازاقستان پرەزيدەنتى قاسىم-جومارت توقاەۆ شىۇ-عا مۇشە ەلدەر – قىتاي, رەسەي, ءۇندىستان, قىرعىزستان, تاجىكستان, پاكىستان, يران, وزبەكستان, قازاقستان قاۋىپسىزدىك كەڭەستەرىنىڭ حاتشىلارىمەن كەزدەستى.
ق.توقاەۆ قازاقستاننىڭ ۇسىنىسى بويىنشا شىۇ قىزمەتىن جەتىلدىرۋ ۇدەرىسى باستالعانىن ايتا كەلە, ايماقتىق جانە حالىقارالىق قاۋىپسىزدىكتىڭ پارمەندى قۇرالى رەتىندە ۇيىمنىڭ الەۋەتىن ىسكە اسىرۋ قاجەتتىگىن اتاپ ءوتتى.
«بۇل ماقساتقا جەتۋ ءۇشىن قاۋىپسىزدىك كەڭەستەرى حاتشىلارىنىڭ كەزدەسۋلەرى ماڭىزدى ءرول اتقارادى. سىزدەر ۇلتتىق قاۋىپسىزدىكتىڭ ءəرتۇرلى باعىتىنا جەتەكشىلىك ەتەسىزدەر. قازىر سىن-قاتەرلەر مەن قاۋىپتەرگە قارسى كۇرەسۋ ءۇشىن ءبىرتۇتاس ءəرى بىرىككەن جۇمىس ءتəسىلى وتە ماڭىزدى», دەدى پرەزيدەنت.
ترانسۇلتتىق ۇيىمداسقان قىلمىسقا, زاڭسىز ەسىرتكى اينالىمىنا, كيبەرقاۋىپسىزدىك سىن-قاتەرلەرىنە قارسى كۇرەس قازاقستاننىڭ شىۇ-عا توراعالىق ەتۋ كەزەڭىندەگى ەڭ باستى باسىمدىقتاردىڭ ءبىرى سانالادى.
حالىقارالىق ىنتىماقتاستىق ۇلگىسى
تۇراقتى دامۋ باستامالارىن ىلگەرىلەتۋ ءۇشىن قازاقستاننىڭ تۇرعىن ءۇي-كوممۋنالدىق شارۋاشىلىعى ورتالىعى جاقىندا Ecolos كومەگىمەن مالايزيانىڭ «Ranhill» حالىقارالىق كومپانياسىمەن كەلىسسوزدەر جۇرگىزە باستادى.
تاراپتار اعىن سۋدى تازارتۋ قوندىرعىلارى جوبالارىنا جانە ينفراقۇرىلىمدى كومىرتەكسىزدەندىرۋگە باعىتتالعان باستامالارعا ەرەكشە نازار اۋدارا وتىرىپ, ىنتىماقتاستىقتىڭ ستراتەگيالىق باعىتتارىن تالقىلادى. تۇرعىن ءۇي-كوممۋنالدىق شارۋاشىلىق قازورتالىعى حالىقارالىق جانە جەكە ينۆەستيتسيالاردى تارتۋ ارقىلى اعىن سۋدى تازارتۋ جوبالارىندا «Ranhill» جانە «Ecolos» كومپانيالارىنا قولداۋ كورسەتۋگە دايىن.
بۇل جوبانىڭ بۇكىل قازاقستان بويىنشا ەنگىزۋ پەرسپەكتيۆاسىمەن دەكاربونيزاتسيا سالاسىنداعى حالىقارالىق ىنتىماقتاستىقتىڭ ۇلگىسى بولۋ الەۋەتى بار. تاراپتار تۇرعىن ءۇي-كوممۋنالدىق شارۋاشىلىق قازورتالىعى تەحنيكالىق سپەتسيفيكاتسيانى ازىرلەيدى, ال «Ranhill» كومپانياسى «Ecolos» كومپانياسىمەن بىرلەسىپ, الدىن الا جوبانى ۇسىنادى دەپ كەلىستى. جوبانى بيۋدجەت قاراجاتىنا سۇيەنبەي, حالىقارالىق جانە جەكە ينۆەستيتسيالاردى تارتۋ ارقىلى جۇزەگە اسىرۋ جوسپارلانعان.