وبلىس بويىنشا 94 زارداپ شەككەن تۇرعىنعا 28 ملن تەڭگە كولەمىندە بىرجولعى الەۋمەتتىك تولەمدەر تولەندى. جالپى 7 ساۋىردەگى جاعداي بويىنشا بىرجولعى تولەمدى الۋعا 346 وتباسى نيەت بىلدىرگەن, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
تاسقىننان زارداپ شەككەن تۇرعىندار مەن كاسىپكەرلەردىڭ ماتەريالدىق زالالدارىن ەسەپتەۋ ءۇشىن اقتوبە وبلىسىنىڭ ءار اۋدانىندا جەكە كوميسسيالار قۇرىلدى. 7 ساۋىردەگى جاعداي بويىنشا 2018 ءوتىنىش ءتۇسىپ, كوميسسيا مۇشەلەرى زالالدى باعالاۋ ءۇشىن اقتوبە قالاسى مەن ايتەكە بي, قوبدا, مۇعالجار, تەمىر اۋداندارىندا 1482 ءۇيدى ارالاعان. ويىل اۋدانىندا سۋ دەڭگەيىنىڭ تومەندەمەۋى سەبەبىنەن م ۇلىكتى باعالاۋ جۇمىستارىن جۇرگىزۋ مۇمكىن بولماي وتىر. كەلتىرىلگەن زالالدىڭ تولەمدەرى تاۋەلسىز باعالاۋ كومپانياسىنىڭ قورىتىندىلارى بويىنشا جۇرگىزىلەدى.
تىركەلمەگەن م ۇلىكتى, كوبىنەسە باۋ-باقشا شارۋاشىلىعىن باعالاۋ ءۇشىن بولەك مەحانيزم ازىرلەنەدى.
اقتوبە وبلىسىندا سۋ تاسقىنىنان زارداپ شەككەندەرگە ارنالعان گۋمانيتارلىق كومەك جيناۋ ورتالىعى جۇمىس ىستەيدى. بارلىعى 10 كۇن ىشىندە شامامەن 300 توننا (210 توننا ازىق-ت ۇلىك, 80 توننا ازىق-ت ۇلىككە جاتپايتىن تاۋارلار, 0,2 توننا ءدارى-دارمەك) جينالدى. ونىڭ ىشىندە 215 توننا تاۋارلار مۇقتاج تۇرعىندارعا تاراتىلدى. گۋمانيتارلىق كومەكتى زارداپ شەككەن اۋداندارعا جەتكىزۋگە 8 524 ەرىكتى كومەكتەسىپ ءجۇر.
قازىرگى ۋاقىتتا اقتوبە وبلىسىنىڭ سۋ تاسقىنىنا قارسى ءىس-شارالار جونىندەگى جەدەل شتاب جۇمىسىن ۆيتسە-پرەمەر سەرىك جۇمانعارين ۇيلەستىرىپ وتىر.