بەينەۋ اۋدانىنا 6 ساۋىردە ماڭعىستاۋ وبلىستىق اۋرۋحاناسىنىڭ دارىگەرلەرى بارعان بولاتىن. ولار سۋ تاسقىنى سالدارىنان ەۆاكۋاتسيالانعان اتىراۋ وبلىسىنىڭ تۇرعىندارىنا قاجەتتى مەديتسينالىق كومەك كورسەتەتىن بولادى, دەپ حابارلايدى Egemen.kz قوعامدىق كوممۋنيكاتسيا ورتالىعىنىڭ ءباسپاسوز قىزمەتىنە سىلتەمە جاساپ.
دارىگەرلەر قاتارىندا تراۆماتولوگ, تەراپەۆت, ەندوكرينولوگ, ۋرولوگ, حيرۋرگ ماماندارى بار. سۋ تاسقىنىنان زارداپ شەككەندەر نەۆروپاتولوگ, رەانيماتولوگ جانە پسيحولوگتىڭ كومەگىنە جۇگىنە الادى. مەديتسينالىق مەكەمە 140 توسەك-ورىنعا ەسەپتەلگەن, بىراق جاعدايعا بايلانىستى ولاردىڭ سانى 300 بىرلىككە دەيىن ارتاتىن بولادى.
«جاعدايعا بايلانىستى قوسىمشا توسەك-ورىن قاراستىرىلعان جانە بورانقۇل اۋىلدىق اۋرۋحاناسىندا دا 30 توسەك-ورىن بار. ولاردىڭ سانى 100 توسەككە دەيىن ارتاتىن بولادى. بەينەۋ اۋداندىق اۋرۋحاناسىنىڭ شتات سانى 122 ادامدى قۇراسا, بورانقۇل اۋىلىندا - 8 ادامدى قۇرايدى», دەدى بەينەۋ اۋداندىق ورتالىق اۋرۋحاناسىنىڭ باس دارىگەرى بەرىك ابدۋللاەۆ.
سونداي-اق دارىگەر ەكى اۋرۋحانا دا ءدارى-دارمەكتىڭ قاجەتتى كولەمىمەن قامتاماسىز ەتىلگەنىن, مەديتسينالىق پرەپاراتتاردىڭ تاپشىلىعى بايقالمايتىنىن ايتتى.