استانادا قۇرىلىسى ۇزاققا سوزىلعان تۇرعىن ۇيلەر سانى ازايىپ كەلەدى. مىسالى, 2019 جىلى قالا بويىنشا 150-دەن استام پروبلەمالى ءۇي بولسا, 2023 جىلدىڭ باسىندا ۇزاققا سوزىلعان ۇيلەردىڭ قۇرىلىس سانى 4 087 ۇلەسكەردىڭ سانىمەن 32-گە دەيىن قىسقاردى, دەپ حابارلايدى Egemen.kz استانا اكىمدىگىنىڭ ءباسپاسوز قىزمەتىنە سىلتەمە جاساپ.
2024 جىلى 140-تان استام تۇرعىن ءۇي كەشەنىنىڭ قۇرىلىسى اياقتالدى. بيىل بۇل ماسەلە تولىق شەشىلەدى. تاعى 9 نىسان بويىنشا ۇلەسكەرلەرگە كىلتتەردى بلوكپەن تاپسىرۋ الداعى ايلارعا جوسپارلانعان.
مىسالى, اقپان ايىندا «Future home» كوپپاتەرلى تۇرعىن ءۇي كەشەنىنىڭ تۇرعىندارى كوپتەن كۇتكەن كىلتتەرىن الدى. ونىڭ قۇرىلىسى 11 جىل بويى جۇرگىزىلدى. قۇرىلىسى 2013 جىلى باستالعان نىسان 2017 جىلى پروبلەمالى دەپ تانىلدى. ۇلەسكەرلەردىڭ سانى 200-گە جۋىق وتباسىن قۇرايدى.
ۇلەستىك قۇرىلىس نىساندارىنىڭ اياقتالۋى مەملەكەت باسشىسىنىڭ باقىلاۋىندا.