اقتوبە وبلىسىنداعى ماعادجان سۋ قويماسى بوگەتىنىڭ بۇزىلۋىنان اتالعان بوگەتتى جاعالاي ورنالاسقان ەلدى مەكەندەردى سۋ باسۋ قاۋپى بولعاندىقتان العا اۋدانىنا قاراستى بەسقوسپا اۋىلى تۇرعىندارى قاۋىپسىز جەرگە كوشىرىلىپ جاتىر, دەپ حابارلايدى Egemen.kz وبلىس اكىمدىگىنە سىلتەمە جاساپ.
قازىرگى ۋاقىتتا اۋىل تۇرعىندارى ۇلتتىق ۇلانعا قاراستى مي-171ە تىكۇشاعىنا وتىرعىزىلىپ, بەسقوسپا اۋىلىنان بەستاماققا جەتكىزىلىپ جاتىر. ازاماتتار بەستاماق اۋىلىنىڭ مادەنيەت ۇيىنە اۆتوبۋسپەن اپارىلدى. ساعات 13:30-داعى اقپاراتقا سايكەك, اۆتوبۋس 6 رەت رەيس جاساعان (200 ەرەسەك, ونىڭ ىشىندە 80-ءى بالا).
حابارلامادا: «ەۆاكۋاتسيا كەزىندە بارشا تۇرعىنداردان قۇتقارۋشىلار, جەرگىلىكتى اتقارۋشى ورگاندار تاراپىنان ايتىلاتىن حابارلاندىرۋ, ەسكەرتۋلەرگە قۇلاق اسىپ, قاجەتتى قۇجاتتارىڭىزدى الىپ, ۇيلەرىڭىزدى بوساتۋلارىڭىزدى سۇرايمىز», دەلىنگەن.