تاسىعان سۋ تالاي مالدى قۇربان ەتكەنىن ەستىپ-ءبىلىپ وتىرمىز. وسىنداي وقيعا اقمولا وڭىرىندە دە تىركەلدى. قوسشى قالاسىنا قاراستى تايتوبە اۋلىندا اقمولالىق قۇتقارۋشىلار 6 تۇيەنى سۋدان قۇتقاردى.
ەرىگەن قار سۋى باسقان كەزدە تۇيەلەر دالادا جايىلىپ جۇرگەن ەكەن. سۋدان قورىققان جانۋارلار ورنىنان قوزعالا الماي قالعان. ءسويتىپ, تۇيەلەردى قۇتقارۋعا تجد باستىعىنىڭ ورىنباسارى ەرلان مولداحانوۆ باستاعان قۇتقارۋشىلار توبى جەتتى.
«30 جىلدىق تاجىريبەمدە تۇيەلەردى العاش رەت قۇتقارىپ تۇرمىن. جانۋارلار جۇزە المايدى, سۋدىڭ تەرەڭدىگى – شامامەن ءبىر مەتر. ءبىز ولاردى بىردەن قۇرعاققا شىعاردىق», دەپ اتاپ ءوتتى ە.مولداحانوۆ.