جاس وتباسىنىڭ قۋانىشى

اتىراۋ وبلىستىق پەري­ناتال­دىق ورتالىعىنىڭ ديرەكتورى قاز­بەك ەرماعامبەتوۆتىڭ ايتۋىن­شا, ۇشەمنىڭ اناسى بەكزادا قادىر­­باەۆانىڭ جاسى 26-دا. وعان جۇك­تىلىكتىڭ 33-اپتاسىندا وپەراتسيا جاسالعان.

ورتالىق ديرەكتورىنىڭ ورىنباسارى گۇلميرا ابەكەەۆا­نىڭ اي­تۋىنا قاراعاندا, ۇشەمنىڭ بىرەۋى  ۇل, ەكەۋى  قىز. جاس وتباسى سابي­لەرىنە ابدۋلحاكيم, حافيزا, حا­بي­با ەسىمىن بەرگەن.

«سابيلەر ءارتۇرلى سالماقپەن ومىرگە كەلدى. ءبارىنىڭ دە سال­ماعى 2 كيلوعا جەتپەگەن ەدى. ءبىرى – 1 711, ەكىنشىسى – 1 823, ءۇشىن­شىسىنىڭ سالماعى 1 420 گرامم بولدى. نارەستەلەر شالا تۋ­عاندىقتان جانساقتاۋ بو­لى­مىندە جاساندى جەلدەتۋ قۇ­رىل­عىسىنا قوسىلدى. وسى بولىمدە تولىققاندى ەم الدى. پەر­زەنتحانادا جاعدايى تۇراقتانىپ, تىنىس الۋى جاق­سارعانعا دەيىن 37 كۇن جاتتى. سونان سوڭ ۇيىنە شىعارىلدى. قازىر سابيلەردىڭ سالماعى ۇلايىپ, 1 700, 2 400, 2 500 گرامعا جەتتى», دەيدى گ.ابەكەەۆا.

«ازاماتتارعا ارنالعان ۇكى­­مەت» مەملەكەتتىك كورپوراتسياسى» كەاق اتىراۋ وب­لىسى بويىنشا فيليالى دي­رەك­­­تورىنىڭ ورىنباسارى نۇر­لان دۇيسەمباەۆ ۇشەمنىڭ تۋ تۋرالى كۋالىگىن تابىس ەتتى. ال وبلىستىق پەري­ناتالدىق ور­تالىعىنىڭ ديرەكتورى قاز­بەك ەرماعامبەتوۆ ۇشەمنىڭ اكە-شەشەسىنە ارنايى سەرتيفيكات تابىستادى.

اتىراۋ وبلىسى