مەملەكەت باسشىسى قاسىم-جومارت توقاەۆ باتىس قازاقستان وبلىسىنا جۇمىس ساپارى بارىسىندا سۋ تاسقىنىنا قارسى بەلسەندى شارالارعا قاتىسىپ جاتقان ەرىكتىلەر مەن قۇتقارۋشىلار توبىمەن كەزدەستى, دەپ حابارلايدى Egemen.kz.
قاسىم-جومارت توقاەۆ باتىس قازاقستان وبلىسىنا جۇمىس ساپارى كەزىندە ىشكى ىستەر ورگاندارى, توتەنشە جاعدايلار دەپارتامەنتى, ۇلتتىق ۇلان قىزمەتكەرلەرىنەن قۇرالعان قۇتقارۋشىلار توبىمەن جانە سۋ تاسقىنىنا قارسى شارالارعا بەلسەندى قاتىسىپ جاتقان ەرىكتىلەرمەن جۇزدەستى.
كەزدەسۋ بارىسىندا پرەزيدەنت تابيعي اپاتپەن كۇرەسكە اتسالىسقان بارلىق ازاماتقا ريزاشىلىعىن ءبىلدىرىپ, ولار بۇكىل ەلىمىز ءۇشىن وتە ماڭىزدى, يگى ءىس اتقارىپ جۇرگەنىن اتاپ ءوتتى.
«كوپ ۇزاماي بۇل جۇمىستار دا اياقتالادى. قيىندىقتى قالاي دا ەڭسەرەمىز. وسىندا ەڭبەك ەتىپ جۇرگەن قۇتقارۋشىلار, پوليتسەيلەر, ەرىكتىلەر لايىقتى دەڭگەيدە ماراپاتتالادى. بۇل مىندەتتى تۇردە مەنىڭ باقىلاۋىمدا بولادى», دەدى قاسىم-جومارت توقاەۆ.