تەمىرتاۋدا ورىن العان اتىس ۆيدەوعا ءتۇسىپ قالدى. وقيعا سالدارىنان ءبىر ادام زارداپ شەككەن, دەپ جازادى Egemen.kz.
الەۋمەتتىك جەلىدە وقيعانىڭ ۆيدەوسى پايدا بولدى. اتىس تەمىرتاۋداعى مەكەمەلەردىڭ ءبىرىنىڭ اۆتوتۇراعىندا ورىن العان. اۆتور قاتىسۋشىلاردىڭ اراسىنداعى جانجال كولىك تۇراعىنا بايلانىستى بولعان دەپ بولجايدى.
بەينەجازباعا قاراعاندى وبلىسىنىڭ پوليتسيا دەپارتامەنتىنىڭ ءباسپاسوز قىزمەتى تۇسىنىكتەمە بەردى. ۆەدومستۆونىڭ مالىمەتىنشە, قازىر قاقتىعىسقا قاتىسۋشىلاردىڭ جەكە باسى انىقتالعان. ەندى ولاردى ۇستاۋ بويىنشا كەشەندى تەرگەۋ شارالارى جۇرگىزىلۋدە.
4 ساۋىرگە قاراعان ءتۇنى تەمىرتاۋ قالاسىنىڭ ورتالىق اۋرۋحاناسىنا 27 جاستاعى جەرگىلىكتى تۇرعىن وق جاراقاتىمەن كەلدى. وسى فاكتى بويىنشا قىلمىستىق ءىس قوزعالدى. وقيعاعا قاتىسۋشىلاردىڭ بارلىعى انىقتالدى, - دەپ حابارلادى ءباسپاسوز قىزمەتى.