بۇل تۋرالى ۇلتتىق قاۋىپسىزدىك قىزمەتىنىڭ ءباسپاسوز قىزمەتى حابارلادى, دەپ جازادى Egemen.kz.
ۇلتتىق قاۋىپسىزدىك كوميتەتى جانە ىشكى ىستەر مينيسترلىگى تۇركيانىڭ قۇقىق قورعاۋ ورگاندارىمەن وزارا ارەكەتتەسىپ, ىزدەۋدە جۇرگەن ەكى قازاقستاننىڭ ازاماتىن ۇستادى. ولار 2024 جىلدىڭ 3 ساۋىرىندە ىستانبۇل قالاسىنان الماتى قالاسىنا جىبەرىلدى.
«ۇستالعاندار اسا ءىرى مولشەردە التىننىڭ ەكونوميكالىق كونترابانداسىمەن اينالىسقان دەگەن كۇدىككە ءىلىندى. سونداي-اق ولار ترانسۇلتتىق ۇيىمداسقان قىلمىستىق توپ قۇرىپ, وعان باسشىلىق ەتكەن. ايىپتالۋشىلار تەرگەۋ يزولياتورىندا وتىر. قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريالانۋعا جاتپايدى», دەلىنگەن ۇقك حابارلاماسىندا.