قازاقتىڭ ۇستاناتىن ءبىر قاعيداسى – قايىرىمدىلىق. بۇل, اسىرەسە وڭىرلەر تابيعي اپاتتان زارداپ شەككەن قيىن ساتتە انىق بايقالدى.
اتىراۋ وبلىسىنىڭ تۇرعىندارى «كۇشىمىز – بىرلىكتە» اكتسياسىنا بەلسەنە اتسالىستى. جەرگىلىكتى جاستار رەسۋرستىق ورتالىعىنىڭ جەتەكشىسى ءمانسيا ساعيدوللاەۆانىڭ ايتۋىنشا, ءۇش كۇندە 8 توننا ازىق-ت ۇلىك, كيىم مەن ءدارى-دارمەك, گيگيەنالىق زاتتار جينالدى.
«ەلىمىزدىڭ ءبىراز ءوڭىرى سۋ تاسقىنىنان زارداپ شەكتى. بۇل – تابيعي سيپاتتاعى توتەنشە جاعداي. وسىنداي قيىن كەزدە ءبىرتۇتاس بىرلىگىمىزدى كورسەتۋ – ازاماتتىق بورىشىمىز. وسىعان وراي وڭىردە كومەك كورسەتۋ پۋنكتى اشىلدى. تابيعي اپاتتىڭ قىسپاعىندا قالىپ, قينالعان وڭىرلەردىڭ تۇرعىندارىنا جىبەرۋ ءۇشىن كۇندەلىكتى تۇتىناتىن ازىق-ت ۇلىك, وزگە دە زاتتاردى جيناۋعا جەرگىلىكتى كاسىپكەرلەر مەن بەلسەندى ازاماتتار, قالالىق جانە وبلىستىق ءماسليحاتتاردىڭ دەپۋتاتتارى ۇلەس قوستى. مۇنداي جاناشىرلىق تانىتۋدان قاراپايىم تۇرعىندار دا قالىس قالمادى», دەيدى م.ساعيدوللاەۆا.
ونىڭ ايتۋىنا قاراعاندا, ەكى جۇك كولىگىنە تيەلگەن گۋمانيتارلىق زاتتارى اقتوبە وبلىسىنا جىبەرىلدى.
اتىراۋ وبلىسى