سالىق زيمانوۆ پەن سۇلتان سارتاەۆ. بۇل تۇلعالاردىڭ ەسىمى مەن ەڭبەگىن بارشا قازاق جۇرتى جاقسى ءبىلىپ, ەرەكشە قۇرمەتپەن اتايدى. ىرگەلى ءبىلىم يەلەرى ەلىمىز ەگەمەندىك العاندا تاۋەلسىزدىگىمىزدىڭ ىرگەتاسىن قالاپ, نىق تۇرۋىنا كوپ كۇش-قايرات جۇمسادى. ياعني قازاق مەملەكەتتىلىگىنىڭ زاڭدىق تۇرعىدا نەگىزىنىڭ بەرىك بولۋى جولىندا ەگەمەندىك تۋرالى دەكلاراتسيانىڭ, تاۋەلسىزدىك تۋرالى زاڭنىڭ قابىلدانۋىنا زاڭ عىلىمىنىڭ دوكتورلارى, اكادەميكتەر ولشەۋسىز ەڭبەك ءسىڭىردى.
1998 جىلى تۇسىرىلگەن مىنا سۋرەتتە قوس زاڭ سالاسى الىبىنىڭ ەمەن-جارقىن اڭگىمەلەسىپ تۇرعانى بەينەلەنگەن.
سۋرەت اۆتورى – قازاق فوتوونەرى كوشباسشىلارىنىڭ ءبىرى, كەزىندە قازتاگ-تا قىزمەت ىستەگەن, وداقتىق اپن اقپارات اگەنتتىگىندە شتاتتان تىس ءتىلشى بولعان, «اكەمتەاتر» – مۇحتار اۋەزوۆ اتىنداعى اكادەميالىق دراما تەاترىنىڭ فوتوشەجىرەشىسى اتانعان, بايتاق قازاق جەرىن تۇگەلگە جۋىق ارالاپ, مىڭداعان كوز سۇيسىندىرەتىن كادردى دۇنيەگە اكەلگەن قاليعۇمار قابدەشەۆ.
– سۋرەت الماتى قالاسىنداعى مانشۇك مامەتوۆا مەن كارل ماركس (قازىرگى د.قوناەۆ) كوشەلەرىنىڭ قيىلىسىنا جاقىن جەردە ءتۇسىرىلدى, – دەيدى قاليعۇمار اعا. – ويتكەنى سول ماڭدا سۇلتەكەڭ اشقان قازاق قۇقىقتانۋ جانە حالىقارالىق قاتىناستار ينستيتۋتىنىڭ (كيپمو) عيماراتى ورنالاسقان ەدى. ول كەزدە سالىق اعا دا وسى ينستيتۋت ستۋدەنتتەرىنە ءدارىس وقيدى ەكەن. ءوز باسىم وسىنداي اسىل ازاماتتاردى, زاڭعار زاڭگەرلەردى وبەكتيۆ قاراۋىلىنا العانىم ءۇشىن دە مىڭ مارتە شۇكىرشىلىك ەتەمىن!
بەرىكباي قادىقوۆ,
جۋرناليست