شىمكەنتتە ەسىرتكى تاراتۋمەن اينالىسقان اتا-انا مەن ولاردىڭ 22 جاستاعى ۇلى سوتتالدى, دەپ حابارلايدى Egemen.kz Polisia.kz سايتىنا سىلتەمە جاساپ.
ولار ينتەرنەت ارقىلى ەسىرتكىگە تاپسىرىس قابىلداپ, قالانىڭ تۇكپىر-تۇكپىرىندەگى جاسىرىن ورىندارعا قالدىرىپ وتىرعان. پوليتسيا دەپارتامەنتىنىڭ ەسىرتكى قىلمىسىنا قارسى كۇرەس ءبولىمىنىڭ قىزمەتكەرلەرى جۇرگىزگەن جەدەل ءىس-شارالاردىڭ ناتيجەسىندە وتباسى مۇشەلەرى مەن ەكى سىبايلاسىن انىقتادى.
تۇرعىلىقتى جەرىن تەكسەرۋ كەزىندە ەسىرتكى زاتتارىنىڭ بۋمالارى جانە ولاردى وراۋعا ارنالعان زاتتار تابىلدى.
پوليتسەيلەر تەرگەۋ بارىسىندا بارلىق ايعاقتاردى جيناپ, قىلمىستىق ءىس ماتەريالدارىن سوتقا جىبەردى. قىلمىستىڭ ۇيىمداستىرۋشىسى 22 جاستاعى ازامات 18 جىلعا, قالعان ءتورت قىلمىسكەردىڭ ارقايسىسى 16 جىلعا باس بوستاندىعىنان ايىرىلدى.
قىرمىزى جۇماعاليقىزى,
ەۇۋ ستۋدەنتى