Deutsche Welle حابارلاعانداي, گەرمانيا ورتالىق ازيا ەلدەرىنىڭ دامۋىنا باعىتتالعان كومەك باعدارلامالارىن قىسقارتا باستادى, دەپ حابارلايدى Egemen.kz.
ء«ىرى رەفورمانى فەدەرالدى ەكونوميكالىق ىنتىماقتاستىق جانە دامۋ مينيسترلىگى جۇرگىزەدى: ول سەرىكتەس ەلدەردىڭ سانىن 85-تەن 60-قا دەيىن قىسقارتادى», دەپ جازادى نەمىس باسىلىمى.
بەرلين تاراپى اتالعان سەرىكتەستىكتى قانداي سەبەپتەرگە بايلانىستى توقتاتقانىن ءتۇسىندىردى. News.ru بۇل كريتەريلەردى اتادى: مەملەكەت بۇدان بىلاي قولداۋدى قاجەت ەتپەيدى نەمەسە رەفورمالار جۇرگىزۋدە, سىبايلاس جەمقورلىققا قارسى كۇرەستە, سونداي-اق ادام قۇقىقتارىن ساقتاۋدا تابىسقا جەتە الماعان.
ايتا كەتەرلىگى, گەرمانيانىڭ جاڭا ستراتەگياسىندا ورتالىق ازيا ەلدەرىنە, اتاپ ايتقاندا, قازاقستانعا, قىرعىزستانعا, تاجىكستان مەن تۇرىكمەنستانعا ورىن تابىلمادى. سەرىكتەستەر قاتارىندا تەك وزبەكستان رەسپۋبليكاسى قالدى.