شىعىس قازاقستان وبلىسىنىڭ انا مەن بالا ورتالىعىندا الىپ بالا دۇنيەگە كەلدى, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسىنىڭ مالىمەتىنشە, جاڭا تۋعان نارەستەنىڭ سالماعى 6 كەلى 180 گرامم بولدى. ال قىزدىڭ بويى – 57 سانتيمەتر. ۆەدومستۆو مۇنداي بوسانۋ ادەتتەگىدەن قيىنىراق بولعانىمەن, ايەل ءوزى بوسانعانىن حابارلادى.
بوسانعان ايەل 33 جاستا, بۇل – ونىڭ وتباسىنداعى ءتورتىنشى بالاسى. دارىگەرلەردىڭ ايتۋىنشا, ءسابي مەن اناسىنىڭ جاعدايى جاقسى.
«مۇنداي جاعدايلار ءبىزدىڭ پەرزەنتحانادا عانا ەمەس, جالپى رەسپۋبليكا بويىنشا وتە سيرەك كەزدەسەدى. ولارعا دەنساۋلىق پەن اماندىق تىلەيمىز», دەدى پەرزەنتحانا مەڭگەرۋشىسى جادىرا ءدۇسىپوۆا.
بۇل – شىعىس قازاقستاندا بيىل دۇنيەگە كەلگەن تۇڭعىش الىپ بالا. ال وسى جىلى انا مەن بالا ورتالىعىندا دۇنيەگە كەلگەن ەڭ كىشكەنتاي ءسابيدىڭ سالماعى 730 گرامم بولعان.