قالانىڭ شىعىس كەنتىندە ورنالاسقان جەكە ۇيدە ەكى بالا كومىرقىشقىل گازىنان ۋلاندى, دەپ حابارلايدى Egemen.kz.
وبلىستىق توتەنشە جاعدايلار قىزمەتى ءمالىم ەتكەندەي, وقيعاعا پەشتىڭ مۇرجاسىنىڭ تازالانباۋى سەبەپ بولعان. ەكى ءجاسوسپىرىم اۋرۋحاناعا جاتقىزىلدى.
«1 ساۋىردە وسكەمەن قالاسى, شىعىس كەنتىندەگى جەكە تۇرعىن ۇيدە قاتتى وتىنمەن جىلىتىلاتىن پەشتى پايدالانۋ ەرەجەسى بۇزىلىپ, سالدارىنان ءۇي يەسىنىڭ 2007 جانە 2008 جىلى تۋعان بالالارى گازدان ۋلانىپ, اۋرۋحاناعا جاتقىزىلدى», دەپ حابارلادى ۆەدومستۆو وكىلدەرى.
قۇتقارۋشىلار پەشتەردى پايدالانۋ كەزىندە ءورت قاۋىپسىزدىگى ەرەجەلەرىنە مۇقيات بولۋدى سۇرايدى.