وقيعا كەشكى ۋاقىتتا باتىس قازاقستان وبلىسىنا قاراستى كازتالوۆ اۋدانى جالپاقتال اۋىلى ماڭىندا بولعان. قۇتقارۋشى اۋداندىق اۋرۋحاناعا كەۋدە تۇسىنا ەكى پىشاق جاراقاتىمەن جەتكىزىلگەن, ول دارىگەرلەردىڭ باقىلاۋىندا, دەپ جازادى Egemen.kz.
توتەنشە جاعدايلار مينيسترلىگىنىڭ باسپاسوز قىزمەتى حابارلاماسىندا: «جەدەل دەرەكتەر بويىنشا جەرگىلىكتى تۇرعىندارعا كومەك كورسەتۋ بويىنشا سۋ تاسقىنىنا قارسى ءىس-شارالاردى وتكىزۋ بارىسىندا قاراوزەن جاعاسىندا 1998 جىلعى ازاماتتىق قورعاۋ سەرجانتى جارالاندى», دەلىنگەن.
پوليتسيا مالىمەتىنشە, شابۋىلداۋشى ىشىمدىك ىشكەن بولىپ شىقتى.
قازىرگى ۋاقىتتا سوتقا دەيىنگى تەرگەۋ باستالدى.