ەلدەگى سۋ تاسقىنى ءبىراز ايماقتى ابىگەرگە سالدى. توتەنشە جاعدايلار مينيسترلىگى تىنىمسىز جۇمىس ىستەپ جاتىر. دەسەك تە ماسەلە ىرىق بەرمەي تۇر. ءتىپتى ماماندار رەسپۋبليكاداعى 220-عا جۋىق ەلدى مەكەندى سۋ باسۋى مۇمكىن دەپ وتىر. قارعىن سۋدان كەلگەن وسىناۋ قاربالاستا ۆولونتەرلەر دە تاسادا قالمادى.
جەر-جەردەگى تاسىعان ءنوپىر ءدۇيىم ەلدى سارساڭعا ءتۇسىردى. اپات ءالى دە سەيىلەر ەمەس. كولىكتەر قارعىن سۋدا قالىپتاپ, مال-م ۇلىك اعىپ كەتىپ جاتىر. وسىناۋ قيىن-قىستاۋ كەزەڭدە جاۋاپتى ماماندارعا ىلەسە «جاستار رۋحى» جاستار قاناتى كومەك كورسەتۋدى جالعاستىرىپ كەلەدى. اسىرەسە اباي, اقمولا, اقتوبە, الماتى, باتىس قازاقستان, قاراعاندى, قوستاناي, ۇلىتاۋ وبلىسىندا ەل جاناشىرلارى تاۋلىك بويىنا حالىقتى ەۆاكۋاتسيالاۋعا جۇمىلدى. اقتوبە وبلىسىندا توتەنشە جاعداي تۇسىندا قولۇشىن سوزعانداردىڭ اراسىندا الىشەر تىنىشتىق تا بار.
– ايماقتارداعى قازىرگى احۋال بارشامىزعا بەلگىلى. وبلىسىمىزداعى جاعدايدى بىلە تۇرا, قول قۋسىرىپ وتىرا المادىق. ءبىر توپ ەرىكتى شۇبارقۇدىق اۋىلىنا جولعا شىقتىق. قاردىڭ قارقىندى ەرۋىنە بايلانىستى بولعان سۋ تاسقىنىنان زارداپ شەككەن تۇرعىندارعا بارىنشا كومەك كورسەتۋگە دايىنبىز, – دەيدى ەرىكتى.
ەۆاكۋاتسيالانعان تۇرعىنداردى مەكتەپتەرگە ورنالاستىرىپ, تۇرعىندارعا كەرەكتى گۋمانيتارلىق كومەك – ازىق-ت ۇلىك, گيگيەنالىق كەرەك-جاراق, كورپە توسەكتەر ۇلەستىرىلىپ جاتىر. «جاستار رۋحى» جق توراعاسى اقەركە ەسكەندىروۆانىڭ سوزىنشە, بۇگىندە قىزىل سۋ جايلاعان ايماقتارعا جاساقتالعان 500-دەن اسا ەرىكتى قاۋىپ سەيىلگەنشە ساپتا بولادى.
– ءبىر جاعادان باس, ءبىر جەڭنەن قول شىعارىپ, سۋ تاسقىنىنىڭ العاشقى ساعاتىنان-اق جەرگىلىكتى تۇرعىندارعا كومەك بەرۋدەمىز. اقتوبەدەگى ارنايى قۇرىلعان ۆولونتەرلىك توپپەن بىرگە گۋمانيتارلىق كومەك ورتالىعىندا جينالعان زاتتار تۇرعىندارعا جەتكىزىلدى. ارينە, ولاردىڭ ىشىندە تج كەزىندە كەرەكتى دەيتىن العاشقى كومەك زاتتارى, كيىم-كەشەك, ازىق-ت ۇلىك پەن گيگيەنالىق زاتتار بار. اپات ورىن العان ايماقتارداعى ۆولونتەرلەر تەك گۋمانيتارلىق كومەككە عانا ەمەس, سۋ تاسقىنى سالدارىنان ب ۇلىنگەن عيماراتتاردى قايتا قالپىنا كەلتىرۋگە, تاۋلىك بويى قىزمەتتە جۇرگەن تج قىزمەتكەرلەرىنە اۋىزاشار ۋاقىتىندا ىستىق تاماق جەتكىزۋگە, جالعىزباستى قارتتاردىڭ اۋلاسىن قاردان تازارتۋعا اتسالىسىپ جاتىر. جاستار قاناتى وقيعا ورنىندا كومەكتەسىپ جۇرگەن ۆولونتەرلەردى دە نازاردان تىس قالدىرمادى. تاسقىن سۋ ورىن العان ايماقتاردىڭ ەرىكتىلەرىنە ارنايى كيىم جابدىقتارىن جولدادى, – دەدى ول.
ال اباي وبلىسىندا كوپىردىڭ قۇلاۋىنا بايلانىستى بوزاي ەلدى مەكەنىنە كىرىپ-شىعۋ مۇمكىن بولماعاندىقتان, ەل جاناشىرلارى ارنايى تەحنيكا ارقىلى ازىق-ت ۇلىك پەن باسقا دا كەرەكتى جابدىقتاردى جەتكىزۋگە كومەكتەستى. سونداي-اق تۇرعىن ۇيلەرگە سۋدىڭ كىرىپ كەتپەۋى ءۇشىن قۇم تولتىرىلعان قاپشىقتاردان بوگەتتەردى ورنالاستىرىپ جاتىر. ءتىپتى جوعالىپ كەتكەن ازاماتتاردى ىزدەستىرۋ جۇمىسىنا دا قولعابىس بولدى.
– وڭىرلەردە گۋمانيتارلىق كومەكتى جيناقتاۋدا, حالىققا تابىستاۋدا «Biz Birgemiz» قوعامدىق قورى دا بىرىكتى. سونداي-اق تاۋلىك بويى كەزەكشىلىكتە جۇرگەن اباي وبلىسىنىڭ توتەنشە جاعداي دەپارتامەنتى قىزمەتكەرلەرىنە جاستار قاناتى «Biz Birgemiz» قوعامدىق قورىنىڭ قولداۋىمەن اۋىزاشار ۋاقىتىندا ىستىق تاماق ۇلەستىرىلدى. قاسيەتتى ايدا تىنباي ەڭبەك ەتىپ جاتقان باۋىرلارىمىزعا ەرەكشە العىس بىلدىرەمىز. اپات ايتىپ كەلمەيدى. سوندىقتان رەسپۋبليكاداعى جاعداي تەز ارادا رەتتەلىپ, زارداپ شەككەن حالىق ءوز شاڭىراقتارىمەن قايتا قاۋىشسا ەكەن, – دەدى «Biz Birgemiz» قق جەتەكشىسى قايرات پەريزات.