پەرۋ پوليتسياسى زاڭسىز بايىدى دەگەن كۇدىكپەن تەرگەۋ اياسىندا پرەزيدەنت دينا بولۋارتەنىڭ ۇيىندە ءتىنتۋ جۇرگىزدى, دەپ حابارلايدى Egemen.kz Channelstv ارناسىنا سىلتەمە جاساپ.
پوليتسيانىڭ ايتۋىنشا, ءتىنتۋ جاريا ەتىلمەگەن Rolex ساعاتتارىن «ىزدەۋ جانە تاركىلەۋ ءۇشىن جاسالعان».
مەملەكەت باسشىسىنا قاتىستى ءىستى تەرگەۋگە گازەتتەگى جاريالانىم سەبەپ بولعان. باسىلىم اۆتورلارى ەل پرەزيدەنتىنىڭ قولىنا قىمبات ساعات تاققان فوتوسۋرەتتەرىنە نازار اۋدارعان. ءسان-سالتانات زاتى مەملەكەتتىك جازبالاردا جاريالانباعان.
سونداي-اق ءتىنتۋ كەزىندە پرەزيدەنتتىڭ ۇيدە بولماعانى حابارلاندى.
پەرۋ پرەمەر-ءمينيسترى گۋستاۆو ادريانتسەن بۇل رەيدتى «شامادان تىس جانە كونستيتۋتسياعا قايشى» دەپ اتادى. بولۋارتەنىڭ ءوزى ازىرگە ۇيىندەگى تىنتۋلەرگە قاتىستى پىكىر بىلدىرگەن جوق.
دينا بولۋارتە 2022 جىلدىڭ جەلتوقسانىندا بۇرىنعى پرەزيدەنت پەدرو كاستيلو پارلامەنتتى تاراتىپ, ەلدى جارلىقپەن باسقارۋعا تىرىسقاننان كەيىن قىزمەتىنە كىرىسكەن.
بۇقارالىق اقپارات قۇرالدارىنىڭ حابارلاۋىنشا, بولۋارتە پەرۋ پرەزيدەنتى بولعان كەزدە ونىڭ وتستاۆكاعا كەتۋىن تالاپ ەتەتىن نارازىلىق اكتسيالارى ءجيى بولعان.