ەلدىڭ قارمەن جابىلعان اۋماعى 36%-دى قۇرايدى. سينوپتيكالىق بولجامعا سايكەس, 30 ناۋرىز - 5 ءساۋىر ارالىعىندا قازاقستان اۋماعىنىڭ باسىم بولىگىندە اۋا رايىنىڭ تۇراقسىز سيپاتى ساقتالادى, دەپ حابارلايدى Egemen.kz «قازگيدرومەت» رمك ءباسپاسوز قىزمەتىنە سىلتەمە جاساپ.
جاۋىن-شاشىننىڭ باسىم بولىگى جاڭبىر تۇرىندە جاۋادى, اپتانىڭ باسىندا عانا رەسپۋبليكانىڭ باسىم بولىگىندە تۇنگى ساعاتتاردا جاڭبىر قارعا اۋىسادى. قاتتى جاۋىن-شاشىن 30 ناۋرىزدا ەلدىڭ وڭتۇستىگىندە (تۇركىستان وبلىسى), 30-31 ناۋرىزدا وڭتۇستىك-شىعىسىندا (الماتى, جەتىسۋ وبلىستارى), 3 ساۋىردە شىعىسىندا (اباي, شىعىس قازاقستان وبلىستارى) كۇتىلەدى. اپتانىڭ ورتاسىندا رەسپۋبليكانىڭ باتىسىندا, اپتانىڭ سوڭىندا رەسپۋبليكانىڭ سولتۇستىك جارتىسىندا جانە اباي وبلىسىندا جاۋىن-شاشىننىڭ توقتايدى.
ودان بولەك ەلدىڭ باسىم بولىگىندە اۋا تەمپەراتۋراسىنىڭ تومەندەۋى بولجانىپ وتىر: قازاقستاننىڭ سولتۇستىك-باتىسىندا, سولتۇستىگىندە, شىعىسىندا, ورتالىعىندا تۇندە 2-10 گرادۋس ايازعا دەيىن, كۇندىز 2 گرادۋس اياز – 5 گرادۋس جىلىعا دەيىن, سودان كەيىن تۇندە 0-5 جىلىعا دەيىن, كۇندىز 12-20 گرادۋس جىلىعا دەيىن جوعارىلايدى, ەلدىڭ وڭتۇستىك جانە وڭتۇستىك-شىعىسىندا تۇندە 5 گرادۋس اياز – 3 گرادۋس جىلىعا دەيىن, كۇندىز 5-15 گرادۋس جىلىعا دەيىن تومەندەيدى, سودان كەيىن تۇندە 0-8 گرادۋس جىلىعا دەيىن, كۇندىز 13-23 گرادۋس جىلىعا دەيىن جوعارىلاۋى كۇتىلەدى.
گيدرولوگيالىق جانە مەتەورولوگيالىق جاعدايلار كۇرت وزگەرگەن جاعدايدا «قازگيدرومەت» سۋ تاسقىنى قاۋپى تۋرالى داۋىلدى ەسكەرتۋلەرمەن الدىن الا حاباردار ەتەتىنىن ايتا كەتۋ كەرەك.