ستاتيستيكا بيۋروسى قازاقستان اجىراسۋ بويىنشا الەمدە ەكىنشى ورىندا دەگەن اقپاراتتىڭ شىندىققا جاناسپايتىنىن حابارلادى, دەپ جازادى Egemen.kz.
بۇل جالعان دەرەكتىڭ نەگىزگى كوزى worldpopulationreview.com سايتىنداعى ماقالا بولعان.
2022 جىلدىڭ قورىتىندىسى بويىنشا اجىراسۋ كوەففيتسيەنتى 1000 ادامعا شاققاندا 2,27 قۇرادى. 2020, 2021 جىلدارمەن سالىستىرعاندا كوەففيتسيەنتتىڭ تومەندەۋى بايقالادى - كورسەتكىش 2,56 جانە 2,54.
ال 2023 جىلدىڭ اجىراسۋ كورسەتكىشى بويىنشا قورىتىندى دەرەكتەرى الداعى ءساۋىر ايىندا جاريالانادى. «بيۋرو ماقالا اۆتورلارىنا الەمدىك رەسۋرستا قاتە بەرىلگەن دەرەكتەر بويىنشا حات جولدادى. سونداي-اق بيۋرو رەسمي دەرەككوزدەرگە سىلتەمە جاساۋدى جانە تاراتىلاتىن دەرەكتەردى الدىن الا تەكسەرىپ وتىرۋدى ەسكەرتەدى», دەلىنگەن ستاتيستيكا بيۋروسى تاراتقان حابارلامادا.