اقمولا وبلىسىنا قاراستى ستەپنوگورسك قالاسىنا كۋراتورىنىڭ نۇسقاۋى بويىنشا ەسىرتكىنى جاسىرىن قويىپ كەتۋ ءۇشىن كەلگەن ايەلدى پوليتسيا قىزمەتكەرلەرى سينتەتيكالىق ەسىرتكىنىڭ ءىرى پارتياسىمەن ۇستادى, دەپ حابارلايدى Egemen.kz Polisia.kz سايتىنا سىلتەمە جاساپ.
سولتۇستىك قازاقستان وبلىسىنداعى اۋىلدىق مەكتەپتەردىڭ بىرىندە 10 جىل بويى مۇعالىم بولىپ جۇمىس ىستەگەن ايەل بىرنەشە جىل بۇرىن اتالعان جۇمىستان شىعىپ كەتكەننەن كەيىن ەسىرتكىنى جاسىرىن قويىپ كەتۋ جۇمىسىن باستاعان.
وپەراتيۆتەر ءتىنتۋ بارىسىندا تىيىم سالىنعان زاتتارى بار 14 ورامدى تاپقان. ودان كەيىن 37 جاستاعى ايەل پوليتسەيلەرگە ەسىرتكىنى جاسىرىن سالعان ورىنداردى كورسەتكەن, پوليتسەيلەر «بومبا» دەپ اتالاتىن تاعى ەكى ۇلكەن ورامدى جانە دوزاسى بويىنشا ولشەنىپ سالىنعان ءتورت ورامدى تاپتى.
سونداي-اق پوليتسەيلەر ستەپنوگورسكتە ول بىرنەشە كۇن جالعا الىپ تۇرعان پاتەردى تەكسەرگەن. مۇندا وپەراتيۆتەر تىيىم سالىنعان زاتتارى بار 105 ورام جانە ەسىرتكى زاتتارىن مولشەرلى دوزاسى بويىنشا ولشەپ-وراۋعا ارنالعان قۇرىلعىلار تاپقان. ساراپتاما بويىنشا الىنعان زات سالماعى 62,5 گرامم (بۇل – اسا ءىرى كولەم) مەفەدرون – سينتەتيكالىق ەسىرتكىسى بولىپ شىقتى.
قازىرگى ۋاقىتتا سوتقا دەيىنگى تەرگەۋ جۇرگىزىلىپ جاتىر, ايىپتالۋشى قاماۋعا الىندى.