ۇلىس كۇنىنە وراي قاليبەك قۋانىشباەۆ اتىنداعى قازاق مۋزىكالىق دراما تەاترىنىڭ حالىق اسپاپتار ءانسامبلى ء«از ناۋرىز كەلگەندە...» اتتى مەرەكەلىك كونتسەرتىن تارتۋ ەتتى. ءانسامبلدىڭ ديريجەرى ءارى كوركەمدىك جەتەكشىسى – مادەنيەت سالاسىنىڭ ۇزدىگى مارالجان مىرزاقۇلوۆا.
ءان-كۇي دۋمانىندا جاڭا باعىتتا وڭدەلگەن حالىق جانە حالىق كومپوزيتورلارىنىڭ تۋىندىلارى, سونداي-اق انسامبل مۇشەلەرىنىڭ اۆتورلىق شىعارمالارى ورىندالدى. ال ولاردىڭ تەاتر اكتەرلەرىمەن جاساعان شوۋ-كوللابوراتسياسى كورەرمەن كوڭىلىنە ەرەكشە اسەر قالدىردى.
ديريجەر م. مىرزاقۇلوۆانىڭ ايتۋىنشا, الەمدىك ساحناداعى تاجىريبەسى مەن جەتىستىكتىگىنىڭ ارقاسىندا انسامبل ءار كونتسەرتىنە جاڭاشا مازمۇن مەن سونى سيپات بەرۋگە تىرىسىپ كەلەدى. «ۇجىمنىڭ قۇرىلعانىنا ءۇش-اق جىلدىڭ بەدەرى بولدى. الايدا وسى قىسقا ۋاقىت ىشىندە انسامبل بىرنەشە حالىقارالىق بايقاۋلاردىڭ جەڭىمپازى اتاندى. ۇجىمنىڭ ورتا ازيانى, قالا بەردى ەۋروپانى بابالار سازىمەن اۋەلەتكەنى – ءبىز ءۇشىن ۇلكەن مارتەبە ءارى جاۋاپكەرشىلىك. انسامبل ءداستۇرلى ءان-كۇيلەرمەن قاتار, قازىرگى زامان كومپوزيتورلارىنىڭ شىعارمالارىنا دا باسا نازار اۋدارادى. ونىڭ ىشىندە ۇجىمداعى اۆتورلاردىڭ تۋىندىلارى كورەرمەن قاۋىمنىڭ ىستىق ىقىلاسىنا بولەنىپ كەلەدى», دەيدى ول.
راسىندا سولاي. كورەرمەننىڭ كۇننەن-كۇنگە ارتىپ كەلە جاتقان قاراسىن كورىپ, ءانسامبلدىڭ تۇراقتى ءارى جەكە اۋديتورياسى قالىپتاسقانىن باسا ايتا الامىز.