مەكتەپ وقۋشىلارى سالا باسشىسىمەن بىرگە دومبىرا تارتتى

اۋقىمدى رەسپۋبليكالىق مادەني ءىس-شارا وقۋ-اعارتۋ مينيسترلىگىنىڭ باستاماسىمەن العاش رەت بىلتىر ناۋرىز مەرەكەسى قارساڭىندا وتكىزىلگەن بولاتىن. سودان بەرى ەلىمىزدە دومبىرا ۇيىرمەلەرىنىڭ سانى 5 ەسە ارتقان. بۇگىندە بارلىعى 2 مىڭ ۇيىرمە جۇمىس ىستەپ, 100 مىڭنان اسا وقۋشى دومبىرا ۇيرەنىپ ءجۇر. بيىلعى اكتسياعا ۇيىرمەگە قاتىساتىن جاس دومبىراشىلاردىڭ ءبارى دەرلىك قاتىستى.

«كونەدەن كەلە جاتقان بۇل ۇلتتىق اسپابىمىز حال­قى­مىزدىڭ جانىن, ونىڭ ءداس­تۇرى مەن مادەنيەتىن اسپەت­تەيدى. ۇلتتىڭ رۋحىن كوتە­رىپ, داڭقىن اسقاقتاتقان قارا دومبىرا ءبىزدىڭ باعا جەتپەس بايلىعىمىز بەن ۇلتتىق سيمۆولىمىزعا اينالدى. بالاباقشالارداعى كىشكەنتاي بۇلدىرشىندەر, وقۋ­شىلارىمىز, كوللەدج ستۋ­دەنتتەرى ۇلتتىق اسپاپتا ويناۋ­عا قىزىعۋشىلىق تانىتاتىنى قۋانتادى. بۇگىندە ەلىمىزدىڭ ءار وڭىرىندە ءبىر ۋاقىتتا بەل­گىلى كومپوزيتورلاردىڭ كۇي­لەرى مەن شىعارمالارى ورىن­­­دالدى. داۋلەسكەر كۇي­شى­­لە­رىمىزدىڭ وشپەس تۋىن­دى­لا­رى ارقىلى ءبىزدىڭ مادە­ني قۇندىلىقتارىمىز ۇرپاقتان-ۇرپاققا بەرىلەدى. ءبىزدىڭ جاس بۋىن وسى كيەلى ونەردى ۇلىقتاۋدى لايىقتى تۇردە جالعاستىرادى دەپ سەنەمىن», دەدى وقۋ-اعارتۋ ءمينيسترى عاني بەيسەمباەۆ.

ەل استاناسىنداعى رايىم­بەك باتىر اتىنداعى №50 «قازعارىش» مەكتەپ-ليتسەيى­نىڭ 300 وقۋشىسىمەن بىرگە وقۋ-اعارتۋ ءمينيسترى عاني بەيسەمباەۆ حالىق كۇيى «كەلىن­شەكتى» ورىندادى.

مەرەكەلىك ەستافەتاعا ەلى­مىز بويىنشا ەكى ميلليونعا جۋىق بالا قاتىستى. ولاردىڭ ەڭ كىشكەنتاي – اباي وبلىسى, سەمەي قالاسىنداعى «باقىت» بالاباقشاسىنىڭ تاربيەلەنۋشىلەرى.

چەللەندجگە قاتىسۋشىلارعا ارناعان سوزىندە سالا باسشىسى بۇل ءىس-شارا بىلتىر قابىل­دانعان ء«بىرتۇتاس تاربيە باع­دار­لاماسى» شەڭبەرىندە ۇيىم­داستىرىلعانىن اتاپ ءوتتى. جال­پى­ادامزاتتىق جانە ۇلتتىق قۇندىلىقتارعا نەگىزدەلگەن جاڭا باعدارلاما اياسىندا كۇنى كەشە مەكتەپ جاسىنا دەيىنگى بالالارعا ارنالعان «حانتالا­پاي» اتتى ۇلتتىق ويىنداردىڭ رەسپۋبليكالىق بايقاۋى دا وت­كەن بولاتىن. 350 مىڭنان اس­­تام بالا قاتىسقان ءىس-شا­را ۇلت­تىق ويىندارعا دەگەن قىزىعۋ­شىلىقتى وياتۋ, حال­قىمىزدىڭ مادەني مۇراسى مەن داستۇرلەرىن دارىپتەۋ ماقساتىن كوزدەپ وتىر.