ءماجىلىس كۋلۋارىندا پارلامەنت ءماجىلىسىنىڭ دەپۋتاتى اسحات ايماعامبەتوۆ قازىر IT سەكتورى مەن جاساندى ينتەللەكت ماتىنىندە قازاق ءتىلىن دامىتۋ وتە ماڭىزدى ەكەنىن ايتتى, دەپ حابارلايدى Egemen.kz.
بۇگىن ماجىلىستە جاساندى ينتەللەكتتى دامىتۋ مەن قولدانۋدى قۇقىقتىق رەتتەۋ ماسەلەلەرىنە ارنالعان جيىن ءوتتى.
«شارتتى تۇردە, Siri, اليسا نەمەسە باسقا جۇيەلەر قازاق تىلىندە سويلەۋى ءۇشىن نە كەرەك؟ قازاق تىلىندەگى سوزدەردى قولدانۋ تۇرعىسىنان ۇلكەن كولەم قاجەت. ءبىر ءسوز بەس ءجۇز نەمەسە مىڭداعان ءتۇرلى كونتەكستە قولدانىلۋى مۇمكىن, وندا ماشينا, الگوريتمدى ءتۇسىنۋ كەرەك. سوندىقتان بۇل ۇلكەن جۇمىس», دەدى دەپۋتات جۋرناليستەردىڭ سۇراعىنا جاۋاپ بەرە وتىرىپ.
ونىڭ ايتۋىنشا, بۇگىندە ۇكىمەت تە, جوعارى وقۋ ورىندارى دا بۇل باعىتتا جۇمىس ىستەپ جاتىر.
ء«بىز قازاق ءتىلىن تانىمال ەتۋىمىز كەرەك, قازاق ءتىلىن عىلىم تىلىنە اينالدىرۋىمىز كەرەك, ول ءۇشىن جاساندى ينتەللەكت جۇيەلەرى قازاق ءتىلىن جاقسى ءتۇسىنىپ, ونى قولدانۋى كەرەك», دەپ ءتۇسىندىردى ايماعامبەتوۆ.