«دياپازون» باسىلىمى اقتاۋ گارنيزونىنداعى اسكەري بولىمدەردىڭ بىرىندە ۆزۆود كومانديرىنىڭ مەرزىمدى قىزمەتتەگى ساربازدارعا قاتىستى بيلىكتى اسىرا پايدالانىپ, ولاردىڭ باسىنان ورىندىق, تاياپەن ۇرعانىن جاريالاعان ەدى. بۇگىن قورعانىس مينيسترلىگى وقيعاعا قاتىستى رەسمي تۇسىنىكتەمە بەردى, دەپ جازادى Egemen.kz.
«اتالعان فاكتى بويىنشا تەرگەۋ ءىس-شارالارى جۇرگىزىلىپ, اقتوبە گارنيزونى اسكەري سوتىنىڭ شەشىمىمەن تاراپتاردىڭ تاتۋلاسۋىنا بايلانىستى ءىس توقتاتىلدى.
قازاقستان رەسپۋبليكاسى «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» زاڭىنىڭ 26-بابى 2-تارماعىنا سايكەس سوت ۇكىمى زاڭدى كۇشىنە ەنگەننەن كەيىن اسكەري قىزمەتشى تەرىس سەبەپتەرمەن قر قارۋلى كۇشتەرىنىڭ قاتارىنان بوساتىلادى», دەلىنگەن مينيسترلىك حابارلاماسىندا.
ۆەدوموستۆو قارۋلى كۇشتەر قاتارىندا مۇنداي تەرىس وقيعالار بىرەن-ساران بولاتىنىن ايتىپ, باقىلاۋ ۇنەمى جۇرگىزىلەتىنىن مالىمدەدى.