21-22 ناۋرىزدا شىمكەنتتە قوعامدىق كولىكتەر اقىسىز قىزمەت كورسەتەدى. مەرەكە كۇندەرى قالا تۇرعىندارى مەن قوناقتارى اۆتوبۋستاردا تەگىن جۇرە الادى, دەپ جازادى Egemen.kz.
شىمكەنت قالالىق اكىمدىگى ناۋرىز مەيرامىنا وراي قالادا مىڭعا تارتا قوعامدىق كولىك 77 باعىتتا جولاۋشىلاردى تاسىمالدايتىنىن حابارلادى.
سونداي-اق الەۋمەتتىڭ بىرنەشە توبىنا مەرەكەلىك ءبىر رەتتىك قارجى اۋدارىلادى.
«ناۋرىز مەرەكەسىنە وراي 18 جاسقا دەيىنگى جەتىم بالالار مەن اتا-اناسىنىڭ قامقورلىعىنسىز قالعان بالالارعا 20 اەك, ال قازا تاپقان اسكەري قىزمەتشىلەردىڭ وتباسىلارى مەن 18 جاسقا دەيىنگى مۇگەدەكتىگى بار بالالارعا 5 اەك مولشەرىندە جىل سايىنعى ءبىر رەتتىك الەۋمەتتىك كومەك بەرىلەدى», دەلىنگەن شىمكەنت قالاسى اكىمدىگىنىڭ ءباسپاسوز قىزمەتى تاراتقان حابارلامادا.