پرەزيدەنت ۇلتتىق قۇرىلتايدا قاداۋ-قاداۋ ماسەلەلەردى كوتەردى. ونىڭ ىشىندە جايىق وزەنىنىڭ جاعالاۋىنداعى كونەنىڭ كوزى – سارايشىق قالاشىعىنا باسا ماڭىز بەرىپ وتىر. بىراق سارايشىقتىڭ زەرتتەلۋ جاعى, قۇندىلىقتارىن دارىپتەۋ جاعى ءالى جەتىسپەيدى. ونىڭ سەبەپتەرىن انىقتاعان ءجون.
جالپى, مۇنايلى ولكەدە ەكى نارسە قولعا الىنۋعا ءتيىس. ونىڭ ءبىرى – بەيبارىستىڭ عىلىمي ورتالىعى بولۋى قاجەت. بىلتىر اراب ەلىندە بولعان كەزىمىزدە سونداي ورتالىق قۇرىلعان ەدى. ارابتىق ارىپتەستەر ونى قازاقستانمەن بىرلەسىپ قۇرۋعا ىنتالى بولىپ وتىر. بۇل ىستە عالىمداردى تارتۋ, قارجىلاندىرۋ ماسەلەسى لايىقتى شەشىلۋى كەرەك.
ءبىز داۋىلپاز اقىن ماحامبەتتى ۇمىتىپ كەتتىك. ونىڭ مۇراسىن جاڭاشا زەرتتەۋ عىلىمي ورتالىقتاردىڭ مىندەتى دەپ بىلەمىز. مەنىڭشە, اتىراۋ وڭىرىندەگى جوعارى وقۋ ورىندارى وسىعان جەتە كوڭىل ءبولۋى كەرەك. ارينە, تەك ۋنيۆەرسيتەتتەر عانا ەمەس, وبلىستاعى مادەنيەت باسقارماسى, باسقا دا ورتالىقتار وسى ماسەلەنى قولعا السا دەگەن ۇسىنىسىم بار.
جازۋشىلار ۇلتتىق قۇندىلىقتارىمىزدىڭ كەڭىنەن ناسيحاتتالۋىنا ۇلەس قوسىپ ءجۇر. بيىل جەتى اتالىم بويىنشا «قۇلاگەر» بايگەسى جاريالاندى. ۇلتتىق ويىنداردى, سالت-ءداستۇردى ۇلىقتاۋ ءۇشىن جاڭا كوركەم شىعارمالار انىقتالادى.
ءبىز ەلىمىزدەگى كوركەم شىعارمانىڭ دەڭگەيىن كوتەرەمىز. الايدا قازاق ادەبيەتىنىڭ كەمشىن تۇسى كوپ. اسىرەسە قازاق پروزاسى مەن پوەزياسى شەت تىلىنە دۇرىس اۋدارىلماي جاتىر.
مەرەكە قۇلكەنوۆ,
قازاقستان جازۋشىلار وداعىنىڭ باسقارما توراعاسى