قازاق قۇرىلتايلارىنىڭ ءبارى ەل دامۋىنا ەلەۋلى وزگەرىس اكەلگەنىنە تاريح كۋا. قاڭتار وقيعاسىنان كەيىن قۇرىلىپ, العاشقى جيىنىن – ۇلىتاۋدا, ەكىنشىسى – تۇركىستاندا, ناۋرىز قارساڭىندا اتىراۋدا وتكەن ۇلتتىق قۇرىلتاي دا سولاردىڭ قاتارىندا بولاتىنى انىق.
قۇرىلتايدا ايتىلعان ءسوز جاڭا ساياسي قوعامدىق مامىلەنىڭ نەگىزىن قالىپتاستىرارى ءسوزسىز. قازاقستان دامۋىنىڭ نەگىزگى قاعيداتتارى – ادىلدىك, جاۋاپكەرشىلىك, ورلەۋ. اتىراۋدا وتكەن قۇرىلتايدا وسى قاعيداتتاردى جۇزەگە اسىرۋعا باعىتتالعان جاڭا يدەيالار مەن ۇسىنىستار ورتاعا تاستالىپ, جاڭا مىندەتتەر ايقىندالدى. ەڭ باستىسى – جاڭا قۇندىلىقتار جۇيەسى ۇسىنىلدى.
پرەزيدەنت قاسىم-جومارت توقاەۆ ۇلتتىق قۇرىلتايدا مەملەكەتتىك, ۇلتتىق قۇندىلىقتاردى بەرىك ورنىقتىرا تۇسۋگە باعىتتالعان ماڭىزدى دۇنيەلەردى اتادى. ماسەلەن, كىتاپ وقۋ مادەنيەتىن قوعامدا بارىنشا ورنىقتىرۋ ءۇشىن ناقتى قادام جاسالادى. بۇل – وزىق ويلى ۇلت بولۋدىڭ توتە جولى.
قازاقستان تاريحى تىم تەرەڭدە جاتىر. التىن وردادان باستاۋ الىپ, قازاق حاندىعى داۋىرىندە قالىپتاستى. التىن وردا تاريحىن, برەندىن قالىپتاستىرۋ. ياعني مەملەكەت باسشىسى الەمدەگى التىن وردا تۋرالى تۇسىنىك قازاقستانمەن بايلانىستى بولۋى كەرەك دەگەن ءتۇيىندى ايتتى.
مەملەكەت باسشىسى, تاريحشىلار مەن مادەنيەتتتانۋشىلارعا, قۇزىرلى ورگاندارعا جاڭا مىندەتتەر مەن ءتيىستى تاپسىرما بەردى. ۇلتتىق بىرەگەيلىكتى ساقتاۋدا ەلدى تولعاندىرىپ جۇرگەن راديكالدى نەوفيتتەر جايلى ورىندى ايتىلدى. قۇرىلتايدا تاريح, مادەنيەت يدەولوگيا سالاسىنىڭ باعدارى عانا ەمەس, ۇلتتىق بىرەگەيلىكتى نىعايتۋ, حالىقتىڭ تۇرمىس ساپاسىن جاقسارتۋعا قاتىستى ۇكىمەتكە ناقتى تاپسىرمالار بەرىلدى. ماسەلەن, مەملەكەت باسشىسىنىڭ تاپسىرماسىمەن اۋىل, اۋدان ورتالىعى تۇرعىندارىنا ارنالعان جاڭا تۇرعىن ءۇي باعدارلاماسى قولعا الىنادى. وسىلايشا, اتىراۋدا وتكەن قۇرىلتاي الداعى تالاي ىسكە ۇيىتقى بولعالى تۇر.
ايگۇل قاپباروۆا,
سەنات دەپۋتاتى