قازاقستاننىڭ ەكس-پرەزيدەنتى نۇرسۇلتان نازارباەۆتىڭ نەمەرە ءىنىسى, قر ۇلتتىق قاۋىپسىزدىك كوميتەتى (ۇقك) توراعاسىنىڭ بۇرىنعى ءبىرىنشى ورىنباسارى سامات ءابىش قاڭتار وقيعاسى بويىنشا ايىپتى دەپ تانىلىپ, شارتتى تۇردە سوتتالدى, دەپ حابارلايدى Egemen.kz.
«26 اقپاندا نۇرسۇلتان نازارباەۆتىڭ جيەنى, ۇلتتىق قاۋىپسىزدىك كوميتەتى توراعاسىنىڭ بۇرىنعى ءبىرىنشى ورىنباسارى سامات ءابىش جابىق سوتتىڭ شەشىمىمەن سەگىز جىلعا شارتتى تۇردە باس بوستاندىعىنان ايىرىلدى», دەلىنگەن ءماجىلىس دەپۋتاتى ەرمۇرات باپي الەۋمەتتىك جەلىدەگى پاراقشاسىندا بولىسكەن «دات» گازەتىنىڭ جازباسىندا.
ەسكە سالايىق, نازارباەۆتىڭ جيەنى سامات ءابىش قاڭتار وقيعاسىنان كەيىن كوپ ۇزاماي ۇلتتىق قاۋىپسىزدىك كوميتەتى توراعاسىنىڭ ءبىرىنشى ورىنباسارى قىزمەتىنەن ايىرىلدى.
2023 جىلدىڭ 19 قىركۇيەگىندە سامات ءابىشتىڭ ۇستىنەن قاڭتار وقيعاسى كەزىندە بيلىگىن جانە قىزمەتتىك وكىلەتتىگىن اسىرا پايدالانعانى ءۇشىن قىلمىستىق ءىس قوزعالعانى بەلگىلى بولدى.
2024 جىلدىڭ 15 قاڭتارىندا ءابىشتىڭ ءىسى سوتقا جىبەرىلدى, 28 اقپاندا باس پروكۋروردىڭ ورىنباسارى اسەت شىنداليەۆ بۇل ءىس سوتتا ەكەنىن مالىمدەدى.