جالعاس تۇكەشوۆ قازاقستان بوكس فەدەراتسياسى پرەزيدەنتىنىڭ كەڭەسشىسى بولىپ تاعايىندالدى, دەپ جازادى Egemen.kz prosports.kz-كە سىلتەمە جاساپ.
جالعاس تۇكەشوۆ بوكستان قازاقستان رەسپۋبليكاسىنىڭ سپورت شەبەرى, كەيىنگى 10 جىلدا اۋەسقوي بوكستا باپكەر, كاسىپقوي بوكستا پروموۋتەرلىك قىزمەت ەتىپ, ەلىمىزدە بوكس كەشتەرىن ۇيىمداستىرۋمەن اينالىسادى.
وتكەن ايدا قازاقستان بوكس فەدەراتسياسى پرەزيدەنتى تىزگىنىن شاحمۇرات ءمۇتالىپ ۇستاعان ەدى. بۇعان دەيىن فەدەراتسيانى كەڭەس راقىشوۆ باسقاردى.
سونداي-اق بوكستان سيدنەي وليمپياداسىنىڭ كۇمىس مەدال يەگەرى مۇحتارحان دىلدابەكوۆ قازاقستان بوكس فەدەراتسياسىنىڭ ۆيتسە-پرەزيدەنتى لاۋازىمىنا تاعايىندالدى.