ءموبيلدى اۋدارىمدار: قارجى ءمينيسترى جاڭا وزگەرىس بولاتىنىن ايتتى

ءمادي تاكيەۆ ءموبيلدى اۋدارىمدارعا شەكتەۋ ەنگىزۋ, بەلگىلەنگەن سوممادان اسقان جاعدايدا سالىق سالۋ ماسەلەسى تالقىعا تۇسكەننەن باستاپ, كاسىپكەر رەتىندە تىركەلگەندەر سانى كوبەيگەنىن ايتتى.

«بۇگىندە ءۇش ايدىڭ ىشىندە ءبىر نومىرگە ءارتۇرلى ادامداردان تۇسەتىن اۋدارىمداردىڭ سانى 100-دەن اسپاۋى ءتيىس. ودان كوپ بولىپ كەتسە, باقىلاۋ شارالارى باستالادى. جىلدىڭ باسىندا بارلىعى دۇرلىگىپ كەتتى, قولما-قول اقشا ىزدەي باستادى. ادامدار قايتادان ءموبيلدى اۋدارىمدارعا كوشىپ جاتىر. قاڭتار ايىندا شامامەن 75 مىڭ جەكە كاسىپكەر تىركەلدى. بۇرىن ءبىر ايدا 2-3 مىڭ ادام تىركەلەتىن. ال اقپان ايىندا 70 مىڭ جەكە كاسىپكەر تىركەلدى. دەمەك ادامدار كاسىبىن زاڭداستىرىپ جاتىر», دەدى ءمادي تاكيەۆ ۇكىمەتتىڭ بۇگىنگى وتىرىسىندا. 

قارجى ءمينيسترىنىڭ ايتۋىنشا, ءموبيلدى اۋدارىمدارعا قاتىستى جاڭا وزگەرىس تالقىلانىپ جاتىر. وزگەرىسكە سايكەس ۇش ايدا ءبىر ادامعا جىبەرىلگەن ءموبيلدى اۋدارىمداردىڭ جالپى سوماسى 255 مىڭ تەڭگەدەن اسپاۋى قاجەت.

«زاڭ بويىنشا ءبىر جىلدىق تابىسى 12 ەڭ تومەنگى جالاقىدان اساتىن, ياعني, شامامەن 1 ميلليون تەڭگەنى قۇرايتىن ادامدار جەكە كاسىپكەر رەتىندە تىركەلۋگە مىندەتتى», دەدى قارجى ءمينيسترى.