29-31 ناۋرىز ارالىعىندا تۇركيانىڭ انتالياسىندا دزيۋدودان Grand Slam ءتۋرنيرىنىڭ جالاۋى جەلبىرەيدى.
ەلىمىزدىڭ ايەلدەر قۇراماسىنىڭ باس باپكەرى ەرلان الپىسباەۆ 10 شاكىرتىنە سەنىم ارتىپ وتىر. انادولى ەلىنە اتتاناتىنداردىڭ اراسىنداعى ەڭ اتاقتىسى – ءابيبا ابۋجاقىنوۆا. اسا جەڭىل سالماقتا ونەر كورسەتىپ جۇرگەن قازاقتىڭ التىن اسىقتاي قىزى كوپتەگەن بايراقتى باسەكەدە اتوي سالىپ, بارشا جانكۇيەرلەردى قۋانتتى. بيىلدىڭ وزىندە عانا «ۇلكەن دۋلىعا» ساناتىنداعى تۋرنيرلەردە ءابيبا بىرنەشە مارتە جەڭىس تۇعىرىنا كوتەرىلدى. وسىنداي وراسان تابىسىنىڭ ارقاسىندا ول قازاقستاننىڭ دزيۋدوشىلارى اراسىنان الەمدىك رەيتينگتە ەڭ جوعارى تۇر. قازىرگى كەزدە ابۋجاقىنوۆا – ءتورتىنشى ورىندا.
ال وزگە سالماق دارەجەلەرىندە ديانا بۋكرەەۆا (48 كگ), تولعاناي ابەۋوۆا (52 كگ), باقىت قۇساقباەۆا (57 كگ), سامالاي ەرعاليەۆا مەن گۇلنۇر باقانوۆا (63 كگ), ەكاتەرينا توكارەۆا (70 كگ), مارگاريتا گريتسەنكو مەن ارۋنا جانگەلدينا (78 كگ) جانە اقەركە رامازانوۆا مەن ءمادينا پاراگۋلگوۆا (+78 كگ) باق سىنايدى.