دەنساۋلىق ساقتاۋ ءمينيسترى اقمارال ءالنازاروۆا الەۋمەتتىك ماڭىزى بار اۋرۋلارعا شالدىققان ازاماتتار مەديتسينالىق تەكسەرىستەن تەگىن وتەتىنىن ايتتى, دەپ جازادى Egemen.kz.
مينيستر حالىق تاراپىنان دياگنوزدى انىقتاۋعا ارنالعان كلينيكالىق-مەديتسينالىق زەرتتەۋلەرگە ارىز-شاعىمدار جيىلەگەنىن ءارى مۇنداي قىزمەت بارلىق ادامعا قولجەتىمدى ەمەس ەكەنىن ايتتى.
«ەندى الەۋمەتتىك ماڭىزى بار اۋرۋعا شالدىقتى دەگەن كۇدىكپەن كەلگەن ادامدارعا دياگنوستيكالىق زەرتتەۋلەر تەگىن كورسەتىلەدى. بۇل قىزمەتكە جۇگىنۋشىنىڭ مىندەتتى الەۋمەتتىك مەديتسينالىق ساقتاندىرۋ جۇيەسىندەگى مارتەبەسىنە قارامايدى.ء اربىر پاتسيەنتپەن جەكە-دارا جۇمىس ىستەۋ نورماسىن ەنگىزىلەدى. ماسەلەن, بۇعان دەيىن قانت ديابەتى, قان قىسىمى سياقتى اۋرۋعا شالدىققان ادامداردى ەمحاناعا باقىلاسا, جاڭا نورما ەنگىزىلگەننەن كەيىن سوزىلمالى اۋرۋى بار بارلىق پاتسيەنتتى دارىگەرلەر توبى قاداعالايتىن بولادى. سونداي-اق ديناميكالىق باقىلاۋعا جاتاتىن اۋرۋلاردىڭ ءتىزىمى كەڭەيتىلەدى», دەدى اقمارال ءالنازاروۆا.